కృతి శెట్టి హవా నడుస్తోంది ఇప్పుడు. ‘ఉప్పెన’ సినిమాతో క్రేజ్ తెచ్చుకున్న ఈ భామ త్వరలోనే మరో మూడు సినిమాలు ప్రకటిస్తుందట. ఆ సినిమాలేంటో ఆమె స్వయంగా ప్రకటిస్తుందని అంటున్నారు. కొత్తగా ఒప్పుకునే మూడు సినిమాల వివరాలు రానున్నాయి అన్నమాట.
కృతి శెట్టి ప్రస్తుతం నాని సరసన ‘శ్యామ్ సింగ రాయ్’ చిత్రం, అలాగే ‘ఉస్తాద్’ రామ్ తో మరో మూవీ చేస్తోంది. ఈ రెండు మిడిల్ రేంజు హీరోల సినిమాలే. అలాగే, మరో చిత్రం ‘ఆ అమ్మాయి గురించి మీకు చెప్పాలి’ షూటింగ్ లో కూడా పాల్గొంటోంది. ఈ సినిమాలో సుధీర్ బాబు సరసన నటిస్తోంది. ఈ మూడు సెట్స్ పై ఉన్నాయి. ఇంకో మూడు కొత్తగా సైన్ చేస్తోందట. మరి అందులో ఏదైనా బడా హీరో చిత్రం ఉందా అనేది చూడాలి.
క్యూట్ లుక్స్ తో కుర్రకారు మనసు దోచింది కృతి. అందుకే హీరోలు ఈ అమ్మాయితో జత కట్టేందుకు ఆసక్తి చూపుతున్నారు. ముఖ్యంగా యువ హీరోలకు మంచి జోడిగా మారడం గ్యారెంటీ.
