“బాహుబలి” వెబ్ సిరీస్ గత మూడేళ్ళుగా అనేక సమస్యలు చూసింది. తీసిందంతా డస్ట్ బిన్ లో పారేశారు. మళ్ళీ కొత్తగా తీయాలన్న ప్రయత్నాలు కూడా రెండు సార్లు బెడిసికొట్టాయి. ఇప్పుడో మూడోసారి మరో టీం ఈ వెబ్ సిరీస్ ని టేకప్ చేసిందట.
మూడోసారి తీయాలనే ప్రయత్నం చేస్తున్న టీం ఇప్పుడు నయనతారని సంప్రదించిందట.
ఇంతకీ ఈ బాహుబలి వెబ్ సిరీస్ దేని గురించి అంటే… సినిమాలో రమ్యకృష్ణ పోషించిన శివగామి పాత్ర కథని మెయిన్ హైలెట్ గా సాగుతుందట. అసలు శివగామి రాజమాతగా ఎలా ఎదిగింది అనే కథ అన్నమాట. శివగామి యువతిగా ఉన్నప్పటి కథ. ఆ పాత్ర కోసం తాజాగా వామికా అనే భామని తీసుకున్నారట. ఈ సిరీస్ లో ఇంకో కీలక పాత్ర కోసం నయనతారని తీసుకుంటున్నట్లు తమిళ మీడియా లో కథనాలు.
కానీ, ఇందులో నిజమెంతో తెలియాలి. నయనతార ఇంకా స్పందించలేదు. ఆ మధ్య సమంతని మెయిన్ హీరోయిన్ గా ఈ వెబ్ సిరీస్ ని తీద్దామని ప్లాన్ చేశారు. కానీ సమంత అంగీకరించలేదు.
ఈ వెబ్ సిరీస్ ని నెట్ ఫ్లిక్స్ సంస్థ నిర్మించనుంది. దాదాపు రెండు వందల కోట్ల బడ్జెట్ ని కేటాయించారట.
