డ్రాగన్ ఆగిపోయిందా?
ఎన్టీఆర్, ప్రశాంత్ నీల్ సినిమా ట్రబుల్లో పడింది. చాలా హడావిడిగా ప్రారంభించారు. ఇప్పటికే రెండు షెడ్యూల్స్ పూర్తి చేశారు. కానీ తాజాగా ఈ సినిమా ఆగిపోయింది అని ప్రచారం జరుగుతోంది.
ఈ సినిమాకి డ్రాగన్ అనే పేరు కూడా ఫిక్స్ చేశారు కానీ ప్రకటించలేదు. ఐతే ఇటీవల ఎన్టీఆర్ గాయపడ్డాడు. దాంతో, షూటింగ్ ని ఆపేశారు. ఈ నెలాఖరుకి మళ్ళీ షూటింగ్ స్టార్ట్ చేస్తామని నిర్మాతలు ఇటీవల మీడియాకి తెలిపారు. కానీ ఉన్నట్టుండి ఈ సినిమా మొత్తానికే ఆగిపోయింది అనే పుకారు మొదలైంది.
ఇప్పటివరకు తీసిన సినిమా ఫుటేజ్ చూసిన ఎన్టీఆర్ తన లుక్ బాలేదని అభ్యంతరం తెలిపినట్లు ఈ పుకార్ల సారాంశం. నీల్ కోరిక మేరకే ఎన్టీఆర్ చాలా బరువు తగ్గాడు. ఐతే, మరీ పీక్కుపోయినట్లు ఉన్న తన ఫేస్ ఈ పాత్రకు సూట్ కాలేదని ఎన్టీఆర్ భావించనట్లు టాక్. మరో పుకారు ఏంటంటే… కథనే మార్చాలని నీల్ భావిస్తున్నాడు అని.
ఈ వార్తలపై టీం ఇంతవరకు స్పందించలేదు. షూటింగ్ మాత్రం మళ్ళీ మొదలు కాలేదు.
‘కెజీఎఫ్’, కెజీఎఫ్ 2, సలార్ సినిమాలు తీసిన ప్రశాంత్ నీల్ ‘డ్రాగన్’ విషయంలో ఆచితూచి వ్యవహరిస్తున్నాడా?
