ఐటెం సొంగుల్లో డ్యాన్స్ చెయ్యడం వల్ల తన కెరియర్ కి ఎటువంటి లాభం కలగలేదని పాయల్ రాజపుత్ గ్రహించింది. అందుకే, ఇప్పుడు స్పెషల్ సాంగ్స్ అంటే భయపడుతోంది. లేటెస్ట్ గా తన పేరు ‘బంగార్రాజు’ సినిమా విషయంలో నానింది. ఈ ప్రచారం ఎక్కువ కావడంతో ఆమె వెంటనే స్పందించింది.
నాగార్జున హీరోగా కళ్యాణ్ కృష్ణ దర్శకత్వంలో ‘బంగార్రాజు’ సినిమా త్వరలోనే సెట్స్ పైకి వెళ్లనుంది. ఇది సూపర్ హిట్టయిన ‘సోగ్గాడే చిన్ని నాయనా’ సినిమాకి సీక్వెల్.
ఈ సీక్వెల్లో పాయల్ ఐటెం సాంగ్ చెయ్యనుందని జోరుగా ప్రచారం సాగుతోంది. దాంతో ఈమె సోషల్ మీడియా ద్వారా క్లారిఫికేషన్ ఇచ్చింది.
“నేను ఏ పాటల్లోనూ కనిపించబోవడం లేదు. ఇది చెప్పాలనేదే ఈ పోస్ట్,” అంటూ ఆమె వివరణ ఇచ్చింది. ‘బంగార్రాజు’ పేరెత్తకుండా ఆ రూమర్లకు చెక్ పెట్టింది.
పాయల్ రాజపుత్ కి ప్రస్తుతం క్రేజ్ తగ్గింది. ‘ఆర్ ఎక్స్ 100’, ‘వెంకీ మామా’ తప్ప హిట్స్ లేవు. దాంతో కెరియర్ నత్త నడకన సాగుతోంది.
