కృష్ణవంశీ రూపొందిస్తోన్న కొత్త మూవీ… రంగమార్తాండ. మొదలై చాలా కాలమే అయింది. కోవిడ్ కారణంగా ఈ సినిమా షూటింగ్ ఆలస్యం అయింది. మొత్తానికి ఇప్పుడు విడుదలకు ముస్తాబు అవుతోంది. ప్రకాష్ రాజ్, రమ్యకృష్ణ, అనసూయ, శివాత్మిక రాజశేఖర్, రాహుల్ సిప్లిగంజ్ నటిస్తున్న ఈ మూవీ ఒక మరాఠీ చిత్రానికి రీమేక్.
కృష్ణవంశీ తనదైన శైలిలో తీస్తున్నారు ఈ రీమేక్ చిత్రాన్ని. ఈ సినిమాకి మాస్ట్రో ఇళయరాజా సంగీతం ఇవ్వడం మరో ప్రత్యేకత.
తాజాగా, మెగాస్టార్ చిరంజీవి గొంతు కూడా కలిసింది ఈ సినిమాకి. ఈ మూవీకి వాయిస్ ఓవర్ అందిస్తున్నారు మెగాస్టార్ చిరంజీవి. కృష్ణవంశీ అడగడంతో వెంటనే ఓకే చెప్పేశారు. తాజగా తన వాయిస్ ఓవర్ ని రికార్డ్ చేశారు చిరంజీవి. మెగాస్టార్ చిరంజీవి, కృష్ణవంశీ కాంబినేషన్ లో గతంలో ‘వందేమాతరం’ అనే సినిమాని అనుకున్నారు. కానీ అది కార్యరూపం దాల్చలేదు. వారి కాంబినేషన్ ఇప్పుడు ఇలా సెట్ అయింది.
అడగ్గానే, తన గొంతుని అరువు ఇచ్చినందుకు మెగాస్టార్ కి కృతజ్ఞతలు తెలిపారు క్రియేటివ్ డైరెక్టర్ కృష్ణవంశీ.
