‘సలార్’ పబ్లిసిటీ కోసం రెడీ

హీరోయిన్ శృతి హాసన్ ఒక సినిమా పబ్లిసిటీ లేదా ప్రమోషన్ కోసం మీడియా ముందుకు వచ్చి దాదాపు ఏడాది కావొస్తోంది. ఆమె సంక్రాంతి సినిమాల సమయంలో ప్రమోషన్ చేసింది. ఆ తర్వాత మళ్ళీ కనిపించలేదు. ఇప్పుడు మళ్ళీ ఆమె మీడియా ముందుకు రావాల్సి వస్తోంది. ఆమె తన కొత్త సినిమా పబ్లిసిటీ కోసం రెడీ అవుతోంది.

శృతి హాసన్ కెరీర్ లోనే అతిపెద్ద చిత్రం.. సలార్. ప్రభాస్ సరసన నటించింది ఇందులో. ఈ సినిమా పబ్లిసిటీ హంగామా డిసెంబర్ 1 నుంచి మొదలు.

ఈ సినిమా ప్రొమోషన్ కోసం ఆమె సమాయత్తమవుతోంది. ఎందుకంటే ఇది పాన్ ఇండియన్ మూవీ. ఆమెకి జాతీయ స్థాయిలో పబ్లిసిటీ వస్తుంది. ఇది క్లిక్ అయితే వరుసగా పెద్ద సినిమాలు తన ఖాతాలో పడుతాయి మళ్ళీ. అందుకే, ఆమె ఈ సినిమా ప్రమోషన్ కోసం టైం కేటాయించింది.

“సలార్” సినిమా ట్రైలర్ డిసెంబర్ 1న లాంచ్ చేస్తున్నారు. ఆ రోజు నుంచి ప్రమోషన్లు మొదలవుతాయి. ట్రైలర్ ఎక్కడ విడుదల చేస్తారు అనేది ఇంకా ఫిక్స్ కాలేదు. ప్రభాస్ ఇటీవలే విదేశాల నుంచి వచ్చాడు. ప్రభాస్ కూడా ఆ రోజు నుంచి పబ్లిసిటీ పనులకు సిద్ధమవుతాడు. ప్రశాంత్ నీల్ తీసిన ఈ సినిమా డిసెంబర్ 22న విడుదల కానుంది.

ALSO READ: Shruti Haasan’s black outfit style