- Advertisement -
విజయ్ ఆంటోనీ అనే తమిళ హీరో అనగానే ‘బిచ్చగాడు’ సినిమా గుర్తు వస్తుంది. ఆ సినిమా తెలుగులో కూడా సంచలన విజయం సాధించింది. ఆ ఘన విజయంతో విజయ్ ఆంటోని వరుస పెట్టి ఎన్నో సినిమాలు చేశాడు. ఒక్కటీ భారీ సక్సెస్ కాలేదు. తమిళంలో ఒకటో, రెండో ఓ మోస్తరు ఆడాయి. కానీ తెలుగులో ‘బిచ్చగాడు’ తప్ప ఇంకోటి ఆడలేదు.
మళ్ళీ విజయం కోసం బిచ్చగాడు వైపు చూపు వేశాడు ఈ హీరో. ఇప్పుడు ‘బిచ్చగాడు 2’ అంటూ దానికి సీక్వెల్ తీస్తున్నాడు. అలా ఇంకోసారి సక్సెస్ ట్రాక్ లోకి రావాలని ప్రయత్నం.
మరి ఈ రెండో బిచ్చగాడు రెండోసారి విజయ్ ఆంటోనికి విజయం తెస్తాడా? వేచి చూడాలి.
ప్రస్తుతం ఈ సినిమా విడుదలకు సిద్ధమైంది. ఇక ప్రచారం కూడా మొదలుపెట్టాడు.
