ఐశ్వర్య రాజేశ్ (Aishwarya Rajesh) యాక్టింగ్ స్కిల్స్ గురించి ప్రత్యేకంగా చెప్పనక్కర్లేదు. ఎన్నో పాత్రలతో తన టాలెంట్ నిరూపించుకుంది. అయితే దాని కోసం ఆమె ఎలా కష్టపడుతుంది? ఎలాంటి హోం వర్క్ చేస్తుంది? అనే డౌట్స్ అందరికీ ఉంటాయి. కానీ తాను ప్రత్యేకంగా కష్టపడేది లేదంటోంది ఐశ్వర్య రాజేశ్.
సెట్స్ లో జరిగే మేజిక్ ను తను నమ్ముతానంటోంది.
“పాత్రల కోసం నేను ఎక్కువగా ప్రిపేర్ అవ్వను. దర్శకుడు చెప్పింది తూచ తప్పకుండా ఫాలో అవుతా. నా ప్రిపరేషన్ మొత్తం స్క్రిప్ట్ చదవడంలోనే ఉంటుంది. 5-6 సార్లు స్క్రిప్ట్ మొత్తం చదువుతాను. నా పాత్ర స్వభావం ఏంటనేది పూర్తిగా అర్థం చేసుకుంటాను. సెట్స్ పైకి వెళ్లిన తర్వాత దర్శకుడు చెప్పింది చెప్పినట్టు చేస్తాను. మేజిక్ అనేది ప్రిపేర్ అయితే రాదు. సెట్స్ లో ఇనిస్టెంట్ గా జరుగుతుంది. ఆ మేజిక్ ను నేను నమ్ముతాను.”
సహజంగా వచ్చే నటననే తను ఎక్కువగా నమ్ముతానని అంటోంది ఐశ్వర్య రాజేశ్. అయితే డైలాగ్స్ విషయంలో మాత్రం కచ్చితంగా ప్రిపేర్ అవుతానంటోంది.
కొంతమంది ఫ్లోలో డైలాగ్స్ చెప్పమని అడుగుతారని, మరికొంతమంది దర్శకులు మాత్రం తమకు ఏ లైన్స్ కావాలో కచ్చితంగా అవే అడుగుతారని.. అలాంటప్పుడు బట్టీ పట్టి చెబుతానని అంటోంది.
పుష్కర కాలానికి పైగా ఈ ఫీల్డ్ లో ఉంటున్న ఐశ్వర్య రాజేశ్.. ‘సంక్రాంతికి వస్తున్నాం’ సినిమా తర్వాత మాత్రమే తెలుగులో తనకు అంతోఇంతో స్టార్ డమ్ వచ్చిందని చెబుతోంది. అందుకే ఏ హీరోయిన్ కైనా అవార్డుల కంటే కమర్షియల్ సక్సెస్ చాలా ముఖ్యమని అంటోంది.
