Manasa Varanasi: మొదటి గుర్తింపు దక్కింది

మానస వారణాసి (Manasa Varanasi) మంచి అందెగత్తె. మిస్ ఇండియాగా ఎన్నికైంది. కానీ హీరోయిన్ గా గుర్తింపు రావడానికి ఆమెకి చాలా టైం పట్టింది. “కపుల్ ఫ్రెండ్లి” చిత్రంతో ఇప్పుడు మంచి నేమ్ దక్కింది.

ఈ అందాల భామ 2024లో విడుదలైన దేవకీ నందన వాసుదేవ (Devaki Nandana Vasudeva) అనే చిత్రంతో అడుగుపెట్టింది. ఆ సినిమా దారుణ పరాజయం పాలు అయింది. దాంతో అవకాశాలే రాలేదు. అలాంటి టైంలో సంతోష్ శోభన్ సరసన నటించేందుకు ఒప్పుకొంది. అతనికీ హిట్స్ లేవు. పైగా వయసులో చాలా పెద్ద. ఆయన సరసన రొమాంటిక్ పెయిర్ గా నటిస్తూ ముద్దు సీన్లు చెయ్యాలి అంటే ఈ హీరోయిన్ అయినా ఆలోచిస్తుంది. కానీ మానస వారణాసి ధైర్యం చేసి అడుగేసింది. ఫలితం దక్కించుకొంది.

ఈ సినిమాకి విడుదలకు ముందు బజ్ లేదు. కానీ సర్ప్రైసింగ్ గా ఇప్పుడు మంచి టాక్ తెచ్చుకొంది. కలెక్షన్లు కూడా ఫర్వాలేదు. ఐతే, ఆమె అందానికి పడ్డ మార్కుల కన్నా అభినయానికి పడ్డ మార్కులే ఎక్కువ. ఆ విధంగా ఈ భామ మంచి సక్సెస్ కొట్టింది.

ప్రస్తుతం ఈ భామ చేతిలో ఒక చిత్రం ఉంది. ఇప్పుడు మరిన్ని ఆఫర్లు వచ్చేలా ఉన్నాయి. తమిళ్ లో ఇప్పటికే ఒక సినిమా సైన్ చేసింది.