Mrunal Thakur: అవును మొదటిసారి చేస్తోంది

దాదాపుగా ప్రతి హీరోయిన్ ఎదో ఒక సమయంలో ఐటెం సాంగ్ చేస్తుంది. అలాంటి ట్రెండ్ నడుస్తోంది ఇప్పుడు. తాజాగా ఆ లిస్ట్ లోకి మృణాల్ ఠాకూర్ (Mrunal Thakur) చేరింది. ఈ భామ తన మొదటి ఐటెం సాంగ్ ని సైన్ చేసింది.

రామ్ చరణ్ హీరోగా రూపొందుతోన్న “పెద్ది” (Peddi) సినిమాలో ఒక స్పెషల్ సాంగ్ ఉంది. ఈ పాట కోసం చాలామంది హీరోయిన్ల పేర్లు అనుకున్నారు. రష్మిక మందానని కూడా అడిగారు. కానీ ఆమె ఒప్పుకోలేదు. పెద్ద హీరోయిన్ తోనే చెయ్యించాలనే ఆలోచన. అందుకే, మృణాల్ ఠాకూర్ ని ఒప్పించారు.

ఏ ఆర్ రెహమాన్ స్వరపర్చిన ఈ స్పెషల్ సాంగ్ లో మృణాల్ ఠాకూర్ తన అందచందాల్ని ఒలకబోయనుంది. ఆమె సినిమాకి మూడు కోట్లపైనే పారితోషికం తీసుకుంటుంది. ఈ పాటకి ఏకంగా నాలుగు కోట్ల వరకు ఇస్తున్నట్లు సమాచారం. అందుకే ఈ భామ ఈ పాటని అంగీకరించింది.

తెలుగులో ఆమె హీరోయిన్ గా “డెకాయిట్” సినిమాలో కనిపించనుంది. అది కూడా వచ్చేనెల 10న థియేటర్లలోకి రానుంది. అంటే వచ్చే నెలలో ఆమె ఒక సినిమాలో హీరోయిన్ గా మరో సినిమాలో ఐటెం గాళ్ గా దర్శనమిస్తుంది. “పెద్ది” వచ్చేనెల 30న విడుదల కానుంది. ఈ పాట షూటింగ్ ఇంకా మొదలు కాలేదు.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.