Mrunal Thakur: ఈ ఏడాది చాలా రిలీజులు

మృణాల్ ఠాకూర్ (Mrunal Thakur) ఈ ఏడాది మనలని చాలా సినిమాలతో పలకరించనుంది. ఈ ఏడాది ఇప్పటికే ఒక బాలీవుడ్ చిత్రాన్ని విడుదల చేసింది. ఒక తెలుగు సినిమా వచ్చే నెల విడుదల కానుంది. ఇక రెండు నెలల గ్యాప్ తర్వాత మరో హిందీ సినిమా రానుంది థియేటర్లలోకి. అంటే మొదటి ఆరు నెలల్లోనే మూడు సినిమాలు.

చాలా కాలంగా షూటింగ్ లోనే ఉన్న “హే జవానీ తో ఇష్క్ హోనా హై” (Hai Jawani Toh Ishq Hona Hai) అనే చిత్రం ఎట్టకేలకు విడుదల నోచుకుంటోంది. ఈ సినిమాని June 12న విడుదల చెయ్యనున్నారు.

వరుణ్ ధావన్ హీరోగా రూపొందుతోన్న ఈ సినిమాలో పూజ హెగ్డే కూడా ఒక హీరోయిన్. ఈ ఏడాది ఆమెకి ఇది రెండో హిందీ మూవీ అని చెప్పాలి. ఫిబ్రవరి లో “దో దీవానే షహర్ మే” చిత్రం విడుదలై దారుణంగా పరాజయం పాలు అయింది. మరి ఈ రెండో హిందీ విడుదలైనా ఆమెకి ఈ ఏడాది బాలీవుడ్ లో హిట్ తెస్తుందా అనేది చూడాలి.

ఇక తెలుగులో ఆమె అడవి శేష్ సరసన నటించిన “డెకాయిట్” కూడా రెండుసార్లు వాయిదా పడింది. ఫైనల్ గా వచ్చేనెల 10న విడుదల కానుంది.

ఈ మూడు సినిమాలు కాకుండా “పూజ మేరీ జాన్” (Pooja Meri Jaan) అనే మరో హిందీ సినిమా ఈ ఏడాది విడుదలకు నోచుకునే అవకాశం ఉంది. ఈ సినిమా 2022లో షూటింగ్ పూర్తి చేసుకొంది. కానీ అనేక కారణాల వల్ల ఇప్పటివరకు విడుదల కాలేదు. ఈ ఏడాది ఎలాగైనా రిలీజ్ చేస్తామని నిర్మాతలు అంటున్నారు. ఆ విధంగా చూస్తే 2026లో నాలుగు సినిమాలు ఆమెవి విడుదల అయ్యేలా ఉన్నాయి.