అప్పుడే పెళ్లేంటి అన్నయ్యా!

ముమైత్ ఖాన్ వయసు 39 సంవత్సరాలు. ఇప్పటికింకా నా వయసు నిండా 16 అనే సాంగ్ తో ఆమె దుమ్ముదులిపినప్పటికీ.. ఆ 16 దాటిపోయి 2 దశాబ్దాలైపోయింది. ఇంకా చెప్పాలంటే ఆమె పెళ్లీడు దాటిపోయింది.

ముమైత్ ఖాన్ కు ఇంకా పెళ్లి కాలేదనే విషయం చాలామందికి తెలియకపోవచ్చు. ఆమె స్టిల్ బ్యాచిలర్. ఇంకా తన సోలో లైఫ్ ను ఎంజాయ్ చేస్తోంది. మరీ ముఖ్యంగా ఆమెకు పెళ్లిపై పెద్దగా ఆసక్తి లేనట్టు కనిపిస్తోంది.

‘ఎప్పుడు పెళ్లి చేసుకుంటారు’ అంటూ ఓ రిపోర్టర్ ప్రశ్నిస్తే.. ‘అప్పుడే పెళ్లేంటి అన్నయ్యా’ అంటూ జోక్ చేసింది ముమైత్. ఇంకాస్త రెట్టించి అడిగితే నాకేం వినబడట్లేదు, నాకు నోరు రావట్లేదు అనే అర్థం వచ్చేలా సైగలు చేసింది.

హైదరాబాద్ లో బ్యూటీ అండ్ హెయిర్ అకాడమీని ప్రారంభించింది ముమైత్. ఈ కార్యక్రమంలో మాట్లాడిన ముమైత్, తనలో ఇంకా డాన్సింగ్ టాలెంట్ ఉందని, ఎవరైనా అవకాశమిస్తే తన టాలెంట్ చూపిస్తానని అంటోంది.

ఆమె సినిమాలు తగ్గించేది దాదాపు ఏడేళ్లు అవుతోంది. ఎందుకంటే, ఆమె యాక్సిడెంట్ కు గురైంది. అలా యాక్సిడెంట్ నుంచి కోలుకున్న తర్వాత బిజినెస్ వైపు అడుగులు వేసింది ముమైత్.