కోలీవుడ్ లో ‘మేడమ్’ హవా

“మేడమ్ సార్, మేడమ్ అంతే” అనేది తెలుగులో పాపులర్ డైలాగ్. పూజా హెగ్డేను చూసిన ప్రతిసారి ఈ డైలాగ్ గుర్తొస్తుంది. ఒకప్పుడు టాలీవుడ్ ను ఓ ఊపు ఊపిన ఈ ముద్దుగుమ్మ, ఇప్పుడు తెలుగు చిత్రసీమకు దాదాపు దూరమైంది. వచ్చినట్టే వచ్చి అవకాశాలు చేజారిపోతున్నాయి.

ఇలా టాలీవుడ్ కు దూరమైపోతోందంటూ ఓవైపు మాట్లాడుకుంటుండగానే, మరోవైపు కోలీవుడ్ లో తన హవా చూపిస్తోంది పూజా. సూర్య సరసన ఓ సినిమాలో నటిస్తోంది. ఇక విజయ్ సరసన ‘జన నాయగన్’ అనే సినిమా కూడా చేస్తోంది. ఈ రెండూ పెద్ద సినిమాలే.

వీటికి అదనంగా రజనీకాంత్ సినిమాలో స్పెషల్ సాంగ్ చేసే అవకాశం దక్కించుకుంది. లోకేష్ కనగరాజ్ సినిమా ఇది. ఇక త్వరలోనే ఆమె లారెన్స్ సరసన కూడా నటించబోతోంది. ఇలా కోలీవుడ్ లో ఒక్కసారిగా బిజీ అయింది పూజాహెగ్డే.

ఈ సినిమాలు ఎలాగూ తెలుగులోకి కూడా డబ్ అవుతాయి కాబట్టి, వీటితో తెలుగు ప్రేక్షకుల్ని కూడా ఆమె పలకరించడం గ్యారెంటీ. ఈలోగా తెలుగులో కూడా అవకాశాలొస్తే, ఇక్కడ కూడా ‘మేడమ్’ హవా మళ్లీ మొదలైనట్టే.