VD Nani: వాళ్ళు ఓకే, మరి వీళ్లు?

నాని (Nani), విజయ్ దేవరకొండ (VD) అభిమానులకు ఒకరంటే ఒకరు అస్సలు పడదు. విజయ్ దేవరకొండ ప్రతి సినిమాని ముందు ట్రోల్ చేసేది నాని అభిమానులే. నాని ఫ్యాన్స్ కి గట్టిగా సమాధానం ఇవ్వడంలో విజయ్ దేవరకొండ అభిమానులు కూడా తక్కువేమి కాదు.

ఒక టైంలో నాని కన్నా స్టార్డంలో, సక్సెస్ లో విజయ్ దేవరకొండ దూసుకెళ్లాడు. దాంతో నాని అభిమానులు గుర్రుగా ఉండి, విజయ్ ని ట్రోల్ చేసేవారు. కానీ ఇప్పుడు పొజిషన్లు మారాయి. నాని ఇప్పుడు ఎక్కడికో దూసుకెళ్లిపోయాడు. సక్సెస్ ల పరంగా, మార్కెట్ పరంగా నాని ఇప్పుడు టాప్ లో ఉన్నాడు. వరుస ఫ్లాప్ లతో దేవరకొండ సతమతం అవుతున్నాడు. రేస్ లో వెనుకబడ్డాడు.

ఐతే, నాని, దేవరకొండ మాత్రం తమ మధ్య అలాంటి విభేదాలు, ఈగోలు లేవని ఎప్పటికప్పుడు ప్రూవ్ చేస్తూనే ఉన్నారు. విజయ్ సినిమా విడుదలైనప్పుడు నాని విష్ చేస్తూనే, మెచ్చుకుంటూనో ట్వీట్స్ పెడుతుంటాడు. అలాగే మొన్న విజయ్, రష్మీక పెళ్ళికి సతీసమేతంగా నాని హాజరయ్యారు.

తాజాగా విజయ్ కొత్త సినిమాకి నాని క్లాప్ కొట్టారు. ఇద్దరూ ఒకరికి ఒకరు ఆప్యాయంగా కౌగిలించుకున్నారు.

మరి వీరి ఫ్యాన్స్ కూడా ఆ సోషల్ మీడియా గొడవలు, ట్రోల్స్ ఆపేస్తే బెటర్.