Dimple Hayathi: బాలయ్య సినిమాలో ఉంటుందా?

నందమూరి బాలకృష్ణ (Nandamuri Balakrishna) హీరోగా దర్శకుడు గోపిచంద్ మలినేని మరో సినిమా తీస్తున్నాడు. బాలయ్య రాజుగా, నయనతార హీరోయిన్ గా సినిమాని ఇంతకుముందు ప్రకటించారు. కానీ ఆ సినిమా ఆగిపోయింది. కాకపోతే కథ మార్చి గోపీచంద్ మలినేని బాలయ్యకి ఈ కొత్త కథని చెప్తే ఓకే చెప్పారు. సో, ఇప్పుడు హీరోయిన్ల అన్వేషణ మొదలైంది.

నయనతారని తీసుకోవడం లేదు. ఆమె స్థానంలో కాజల్ అగర్వాల్ నటించే అవకాశం ఉంది. ఇక రెండో హీరోయిన్ గా డింపుల్ హయతి (Dimple Hayathi) ని తీసుకుంటారు అనే టాక్ ఉంది. కానీ ఇంతకుముందే గోపీచంద్ మలినేని ఆ వార్తలను తోసిపుచ్చారు.

ఐతే, ఇటీవల ఎయిర్పోర్ట్ లో బాలయ్య, డింపుల్ హయతి కలుసుకున్నారు. ఆ టైంలో హయతి బాలయ్యతో చాలా సేపు ముచ్చటించడం, ఆ తర్వాత వెళ్తుండగా ఆయన కాళ్లకు నమస్కరించి ఆశీర్వాదం తీసుకొంది. బాలయ్య కూడా ఆమెని ఆప్యాయంగా ఆశీర్వదించారు. దాంతో, బాలయ్య ఆమెకి ఛాన్స్ ఇస్తాడని అభిమానులు అనుకుంటున్నారు.

బాలకృష్ణని ఎవరైనా బాగా అభిమానించినా, ఆయన్ని గౌరవించినా వారికి తన సినిమాల్లో అవకాశాలు ఇస్తారు. ఆయన ఎక్కువ ఆలోచించరు. డింపుల్ కి ఇప్పుడు పెద్ద సినిమాల్లో అవకాశాలు ముఖ్యం. సో, బాలయ్య ఆమెకి రెండో హీరోయిన్ గా అవకాశం ఇప్పిస్తారా లేదా అనేది చూడాలి. మొదటి హీరోయిన్ గా మాత్రం కాజల్ లేదా ఆ రేంజ్ హీరోయిన్ ని తీసుకుంటారు.

డింపుల్ ఈ ఏడాది సంక్రాంతికి విడుదలైన “భర్త మహాశయులకు విజ్ణప్తి” సినిమాతో మంచి గుర్తింపు తెచ్చుకుంది. సగటు గృహిణి పాత్రలకు కూడా తాను సూట్ అవుతాను అని నిరూపించుకొంది.