యష్ పాత కామెంట్, కొత్త ట్రోలింగ్

“కేజీఎఫ్” సినిమాతో పాన్ ఇండియా స్టార్ గా ఎదిగాడు కన్నడ సూపర్ స్టార్ యష్. ఆయన కొత్త చిత్రం… టాక్సిక్. ఈ సినిమా టీజర్ గత వారం యష్ పుట్టినరోజున విడుదలైంది.

ఈ టీజర్ లో ఒక కీలకమైన సీన్ ఇప్పుడు పెద్ద వివాదాన్ని సృష్టించింది. హీరో యష్ కారులో ఒక అమ్మాయితో సెక్స్ చేస్తున్నట్లు చూపించారు ఈ టీజర్లో. ఒక పెద్ద హీరో ఇండియాలో ఇప్పటివరకు అలాంటి సీన్లో యాక్ట్ చెయ్యలేదు. కుర్ర హీరోలు అలాంటి సీన్లు చేస్తారు కానీ యష్, ప్రభాస్, మహేష్ బాబు రేంజ్ పెద్ద సూపర్ స్టార్లు వీటికి దూరంగా ఉంటారు. దాంతో ఇప్పుడు యష్ గతంలో చేసిన కామెంట్స్ వైరల్ అవుతున్నాయి.

గతంలో ఒక ఇంటర్వ్యూలో తాను ఎలాంటి కథలు, సీన్లకి దూరంగా ఉంటానో తెలిపాడు. “నా తల్లిదండ్రులతో కలిసి చూడటానికి నేను ఇబ్బంది పడే సన్నివేశాలను నేను చేయను. వాటిని ఒప్పుకోను,” అని అన్నాడు యష్. ఇది నా ప్రామిస్ అని కూడా అన్నాడు.

దాంతో, ఇప్పుడు యష్ ని ట్రోల్ చేస్తున్నారు. ఆ సీను మీ తల్లితండ్రులతో కలిసి ఇంట్లో హాల్లో పెద్ద స్క్రీన్ మీద చూస్తావా అని అడుగుతున్నారు.

మార్చి 19న “టాక్సిక్” విడుదల కానుంది. ఈ సీన్లో నటించిన విదేశీ హీరోయిన్ ఇప్పటికే ఇన్ స్టాగ్రామ్ లో తన అకౌంట్ ని డీయాక్టివేట్ చేసింది. ఆమెకి అంత ట్రోలింగ్ సెగ తగిలింది మరి.