Multi-heroines: కలిసి నటిస్తున్న భామలు

పూజ హెగ్డే (Pooja Hegde), మృణాల్ ఠాకూర్ (Mrunal Thakur) ఇద్దరూ పెద్ద హీరోయిన్లే. అయినా కలిసి ఒక సినిమాలో నటించారు. ఒక హీరోకి ఇద్దరు భామలుగా కనిపిస్తున్నారు. ఇక రష్మిక మందాన (Rashmika Mandanna, కృతి సనన్ (Kriti Sanon) ఇంకా పెద్ద హీరోయిన్లు. ఇద్దరికీ సోలోగా చాలా క్రేజు ఉంది. అయినా ఇద్దరూ కలిసి ఒక హీరో సరసన స్క్రీన్ పంచుకున్నారు.

పెద్ద హీరోయిన్లే కాదు చిన్న హీరోయిన్లు, మిడ్ రేంజ్ హీరోయిన్లు కూడా ఒక హీరోతో కలిసి స్క్రీన్ పంచుకుంటున్నారు. సంయుక్త, నభా నటేష్ ఒక సినిమాలో కలిసి నటిస్తున్నారు. ఆ సినిమా… స్వయంభు. వచ్చే నెల విడుదల కానుంది ఈ సినిమా. అలాగే నాగబంధం అనే మరో సినిమాలో నభా నటేష్, ఐశ్వర్య మీనన్ స్క్రీన్ షేర్ చేసుకుంటున్నారు. ఇది కూడా ఈ వేసవిలోనే రానుంది.

రాకా (raakaa)

అల్లు అర్జున్ హీరోగా అట్లీ తీస్తున్న “రాకా”లో ఏకంగా నలుగురు హీరోయిన్లు స్క్రీన్ పంచుకోనున్నారు. మెయిన్ హీరోయిన్ గా దీపికా పదుకోన్ నటిస్తుండగా, జాన్వీ కపూర్, మృణాల్ ఠాకూర్, రష్మిక మందాన వంటి పెద్ద హీరోయిన్లు కూడా కనిపించనున్నారు.

టాక్సిక్ (Toxic)

యష్ హీరోగా రూపొందుతోన్న భారీ చిత్రం టాక్సిక్ లో ఏకంగా ఐదుగురు హీరోయిన్లు ఉన్నారు. నయనతార, కియారా అద్వానీ వంటి పెద్ద హీరోయిన్లతో పాటు తార సుతారియా, హ్యూమా కురేశి వంటి చిన్న హీరోయిన్లు కూడా నటిస్తున్నారు.

కాక్ టైల్ 2 (Cocktail 2)

కాక్ టైల్ 2 అనే హిందీ సినిమాలో షాహిద్ కపూర్ హీరోగా నటిస్తున్నాడు. ఈ సినిమాలో ఇద్దరు హీరోయిన్లు. రష్మిక మందాన, కృతి సనన్ జంటగా నటించారు. వీళ్ళు ఇద్దరూ లెస్బియన్స్ గా కనిపిస్తారనే ఒక పుకారు కూడా నడుస్తోంది. అంటే హీరోతోనే కాదు ఇద్దరి హీరోయిన్ల మధ్య కూడా కెమిస్ట్రీ చూస్తాం.

హై జవానీ తో ఇష్క్ హోనా హై (Hai Jawani Toh Ishq Hona Hai)

ఈ సినిమాలో హీరోగా వరుణ్ ధావన్ నటించాడు. వచ్చే నెల ఈ సినిమా విడుదల కానుంది. ఇందులో పూజ హెగ్డే, మృణాల్ ఠాకూర్ ఇద్దరూ అతనికి లవర్స్ గా కనిపిస్తారు ఇద్దరు పాపులర్ హీరోయిన్లు ఒక మిడ్ రేంజ్ హీరో సరసన స్క్రీన్ పంచుకోవడం విశేషమే.

స్వయంభు (Swayambhu)
ఇక తెలుగు చిత్రం స్వయంభులో నిఖిల్ సిద్ధార్థ్ హీరోగా నటిస్తుండగా సంయుక్త మెయిన్ హీరోయిన్ గా నటిస్తోంది. ఈ సినిమాలో మరో భామగా నభా నటేష్ నటిస్తోంది.