‘ఆయ్’ కలెక్షన్లలో 25% విరాళం

నార్నే నితిన్ హీరోగా వచ్చిన “ఆయ్” మంచి విజయం సాధించింది. విడుదలై మూడు వారాలు అయినా ఇంకా బాగా నడుస్తోంది.

అంజి కె. మణిపుత్ర దర్శకత్వంలో వచ్చిన ఈ చిత్రంలో నయన్ సారిక హీరోయిన్‌గా నటించారు. ఈ చిత్రాన్ని బన్నీ వాస్, విద్యా కొప్పినీడి నిర్మించారు.

ఈ చిత్రం ఇప్పటికీ మంచి కలెక్షన్లు రాబడుతోంది. దాంతో ఈరోజు నుండి వారాంతానికి వచ్చే “ఆయ్” కలెక్షన్లలో నిర్మాత వాటాలో 25% జనసేన పార్టీ ద్వారా వరద బాధితులకు అందజేస్తామని నిర్మాత బన్నీ వాస్ ప్రకటించారు.

ఆంధ్రప్రదేశ్‌లో కురుస్తున్న భారీ వర్షాల కారణంగా ఎంతో మంది నిరాశ్రయులు అయ్యారు. చాలా ఆస్తి నష్టం జరిగింది. దాంతో, వరద బాధితులకు అండగా నిలిచేందుకు నిర్మాత బన్నీ వాస్ ముందుకు వచ్చారు. సో, వరద బాధితులకు మీ వంతు సాయం అందించాలంటే ఈ వారం మీరు “ఆయ్” సినిమా చూడాలి.