Dhurandhar 2: పుష్ప 2 రికార్డులకి చేరువలో

ధురంధర్ 2 (Dhurandhar 2) సినిమా మరో మైలురాయి దాటింది ఈ సినిమా ప్రపంచవ్యాప్తంగా 1500 కోట్లకి పైగా వసూళ్లు అందుకొని 1600 కోట్ల మార్కుకి చేరువ అయింది. దాంతో ఈ సినిమా “పుష్ప 2” రికార్డ్ ని కొట్టే అవకాశం ఉంది.

ప్రపంచవ్యాప్తంగా అత్యధిక వసూళ్లు పొందిన టాప్ 5 చిత్రాలు ఇవే…

1) దంగల్ – రూ. 2070 కోట్లు
2) బాహుబలి 2- రూ. 1800 కోట్లు
3) పుష్ప 2 – రూ. 1740 కోట్లు
4) ధురంధర్ 2 – రూ. 1564 కోట్లు (ఇంకా నడుస్తోంది)
5) ధురంధర్ – రూ. 1307 కోట్లు

ఈ సినిమా అల్లు అర్జున్ నటించిన “పుష్ప 2” (Pushpa 2) రికార్డు బద్దలు కొట్టాలంటే ఇంకా 180 కోట్ల వసూళ్లు సాధించాలి. మరో రెండు వారాలు ఆడితే ఈ సినిమా పుష్ప 2 రికార్డుని అందుకునే అవకాశం ఉంది. “దంగల్” రికార్డులు ఐతే సాధ్యం కాదు.

రణవీర్ సింగ్ నటించిన ధురంధర్ 2 మార్చి 19న విడుదలైంది. మొదటి పది రోజులు ఊపేసింది. ఆ తర్వాత కలెక్షన్ల జోరు తగ్గింది. తాజాగా ఐపీఎల్ కూడా కొంత ప్రభావం చూపింది. ఐతే మరో రెండు వారాలు ఆడే అవకాశం ఉంది.