కొడుకుతో గోకార్టింగ్ వెళ్తాడట

పెళ్లికి సరిగ్గా కొన్ని రోజుల ముందు ఓ టాక్ షోలో పాల్గొన్నాడు నాగచైతన్య. రానా దగ్గుబాటి హోస్ట్ చేస్తున్న షో అది. అందులో తన ఫ్యూచర్ లైఫ్, పిల్లలపై స్పందించాడు.

వెంకీ మామలా అంతమంది పిల్లలు కాకుండా.. ఇద్దరు పిల్లలు తనకు చాలని అంటున్నాడు నాగచైతన్య. ఆ ఇద్దర్లో ఒకరు అమ్మాయి, మరొకరు అబ్బాయైతే ఇంకా బెటర్ అని చెబుతున్నాడు.

కొడుకు పుడితే అతడ్ని కార్ రేసులకు తీసుకెళ్తాడట. కొడుకుతో కలిసి గోకార్టింగ్ ఆడతాడట. అదే కూతురు పుడితే ఆమె హాబీలేంటో తెలుసుకుంటాడట. అవే హాబీల్ని తను కూడా అనుసరిస్తాడట. మ్యాగ్జిమమ్ టైమ్ కూతురుతో గడుపుతాడంట.

ALSO READ: A few pics from Naga Chaitanya and Sobhita’s wedding album

ఇక జీవితంపై పూర్తి క్లారిటీతో ఉన్నాడు నాగచైతన్య. ఎప్పుడైతే మనం ప్రతి రోజూ ఆనందంగా ఉంటామో, అప్పుడే జీవితంలో విజయం సాధించినట్టు లెక్క అని చెబుతున్నాడు. అలా సంతోషంగా ఉండగలిగితే ఈ జీవితానికి అంతకంటే ఇంకేం కావాలని అంటున్నాడు.

కూల్ గా, రిజర్వ్ డ్ గా ఉండే నాగచైతన్య.. ఏదైనా సినిమా పార్టీలో చొక్కా తీసి గాల్లో ఎగరేసి ఎంజాయ్ చేసే సందర్భం ఉందా? ఈ ప్రశ్నకు సూటిగా స్పందించాడు చైతూ. త్వరలోనే ఆ మూమెంట్ చూస్తారని అంటున్నాడు. ‘తండేల్’ సినిమా పెద్ద హిట్టవుతుందనేది చైతూ నమ్మకం.