The Paradise: ఆగస్టులో రిలీజ్ కూడా డౌటేనంట!

నాని (Nani), శ్రీకాంత్ ఓదెల (Srikanth Odela) కాంబినేషన్‌లో ఇంతకుముందు “దసరా” చిత్రం వచ్చింది. అది భారీ విజయం అందుకొంది. ఇప్పుడు “ది ప్యారడైజ్” (The Paradise) చిత్రం రూపొందుతోంది. ఈ సినిమాని ప్రకటించినప్పటి నుంచే అంచనాలు పెంచడం మొదలు పెట్టింది. ఇటీవల విడుదలైన “ఆయా షేర్” అనే మొదటి పాట వైరల్ అయింది. ఈ సినిమాపై ఆల్రెడీ ఉన్న హైప్ ని మరింత పెంచింది.

ఐతే షూటింగ్ విషయంలోనే ఈ సినిమా సమస్యలు ఎదుర్కొంటోంది. దర్శకుడు శ్రీకాంత్ ఓదెల ప్రతి షాట్, సీన్ పర్ఫెక్ట్ గా ఉండాలని పరితపిస్తాడట. దాంతో, షూటింగ్ ఒక పట్టాన ముందుకెళ్లడం లేదు. ఇప్పటివరకు సగమే షూటింగ్ పూర్తి అయింది. మార్చి 27న విడుదల కావాల్సిన ఈ సినిమాని ఇదే కారణంతో ఏకంగా ఆగస్టు చివరికి పోస్ట్ ఫోన్ చేశారు.

సాధారణంగా ఏ సినిమానైనా ఒక నెల, రెండు నెలలు వాయిదా వేస్తారు. కానీ శ్రీకాంత్ ఓదెల తీస్తున్న విధానం, అతని వర్కింగ్ స్టయిల్ చూసే హీరో నాని సినిమాని ఐదు నెలలు వాయిదా వేసినట్లు తెలుస్తోంది. ఐతే, ఈ ఆగస్టు నెలలో కూడా విడుదల కావడం కష్టమే అని తాజా సమాచారం.

అందుకే, ఈ సినిమా ఆగస్టు నుండి డిసెంబర్‌కు వెళ్లే అవకాశం ఉందనేది తాజా పుకారు.

సో, నాని వేసుకున్న లెక్కలు, ప్లాన్లు అన్నీ తారుమారు అయ్యాయి. ఈ ఏడాది ఈ సినిమాని విడుదల చేస్తే కానీ దర్శకుడు సుజీత్ ప్రకటించిన “బ్లడీ రోమియో” (Bloody Romeo) షూటింగ్ స్పీడ్ అందుకోదు. ఈ సినిమా షూటింగ్ ఎప్పుడు స్టార్ట్ అవుతుంది అనేది చూడాలి.