ఫిలిం రోల్ తో తీసిన Peddi

ఇప్పుడంతా డిజిటల్ యుగం. కెమెరా ఏదైనా, లెన్స్ ఎన్ని మార్చినా లోపల ఉండేది చిప్. నచ్చినంత రికార్డు చేయడం, నచ్చకపోతే డిలీట్ చేయడం చాలా కామన్. అందుకే ఇప్పటితరం మేకర్స్ కు ఫిలిం విలువ తెలియదు. కానీ బుచ్చిబాబుకు మాత్రం తెలిసొచ్చింది. ‘పెద్ది’ (Peddi) సినిమాలో కీలకమైన ఢిల్లీ ఎపిసోడ్ ఉంది.

దాన్ని డిజిటల్ లో కాకుండా ఫిలింలో తీయాలని నిర్ణయించుకున్నారు. ఆ సన్నివేశాల్ని ఫిలింలో తీస్తేనే బాగుంటుందని అంతా కలిసి నిర్ణయించుకొని, ముంబయి నుంచి ఫిలిం తెప్పించారు. ఒక్కసారి రోల్ అయిన తర్వాత వెంటనే యాక్షన్ చెప్పాలి. లేదంటే ఫిలిం వృధా అయిపోతుంది.

బుచ్చిబాబు మాత్రం రోల్ అని చెప్పిన తర్వాత చాలా టైమ్ తీసుకునేవాడంట. దీంతో చాలా ఫిలిం వృధా అయిందని, అప్పట్లో మేకర్స్ ఎంత కష్టపడ్డారో, ఎంత టైమ్ సెన్స్ పాటించేవారో తనకు అర్థమైందన్నాడు బుచ్చి.

‘పెద్ది’ సినిమాలో ఢిల్లీ ఎపిసోడ్ ను ఫిలిం రోల్ తో ఎందుకు షూట్ చేయాల్సి వచ్చిందో చెప్పడం కష్టమంటున్నాడు బుచ్చిబాబు. దాన్ని తెరపై చూస్తే ఆ అనుభూతి వేరేలా ఉంటుందంటున్నాడు.