‘పెద్ది’కే ఓటేసిన చరణ్!?

రామ్ చరణ్ హీరోగా దర్శకుడు బుచ్చిబాబు తీస్తున్న సినిమాకి “పెద్ది” అనే టైటిల్ అనుకుంటున్నారు అని చాలా కాలంగా ప్రచారం ఉంది. కానీ ఈ టైటిల్ పాన్ ఇండియాకి సూట్ అవుతుందా అని డౌట్ తో నిర్మాతలు ఇన్నాళ్లూ ఆగారు. ఐతే, ఇప్పుడు అదే టైటిల్ ని ఫిక్స్ చేసినట్లు తెలుస్తోంది.

ఈ నెల 27న రామ్ చరణ్ పుట్టిన రోజు నాడు ఆ టైటిల్ ని ప్రకటిస్తారు అని అభిమానులు చెప్తున్నారు. ఇప్పటికే టైటిల్ టీజర్ కి సంబంధించి పనులు ఊపందుకున్నాయి అని అభిమానులు సోషల్ మీడియా వేదికగా తమ పోస్ట్ లను షేర్ చేస్తున్నారు.

“పెద్ది” అనేది పేరు. ఆంధ్రా గ్రామీణ ప్రాంతంలో అలాంటి పేర్లు ఉంటాయి. పేరు కాబట్టి ఏ భాషలోనైనా ఒకటే ఉంటుంది కాబట్టి పాన్ ఇండియాకి ఇది సూట్ అవుతుంది అని ఫిక్స్ చేశారట. హీరో రామ్ చరణ్ పాత్ర పేరు ఇది. ఈ సినిమాలో రామ్ చరణ్ సరసన జాన్వీ కపూర్ నటిస్తోంది. కబడ్డీ ప్రధానంగా సాగే ఈ కథలో రామ్ చరణ్ ఆటగాడిగా కనిపిస్తాడు.

రామ్ చరణ్ ఈ సినిమా కోసం బరువు పెరిగి, బాడీ పెంచాడు. గడ్డం, మీసాలు ఫుల్లుగా పెంచాడు. సో, ఈ నెల 27న రామ్ చరణ్ మొదటి లుక్, టైటిల్ విడుదల అవుతాయి అన్నమాట.