Vijay Antony: జూన్ 19న ‘వంద దేవుళ్ళు’

‘’బిచ్చగాడు’తో హీరోగా విజయ్ ఆంటోనికి (Vijay Antony) తెలుగులో కూడా మంచి గుర్తింపు వచ్చింది. భిన్నమైన కథలతో సినిమాలు చేస్తూ ఉంటారు విజయ్ ఆంటోని.

చాలా గ్యాప్‌ తరువాత విజయ్ ఆంటోని హీరోగా, ‘బిచ్చగాడు’ తీసిన శశి దర్శకత్వంలో ‘వంద దేవుళ్ళు’(Vanda Devullu) అనే చిత్రం రాబోతోంది. తాజాగా ఈ మూవీకి సంబంధించిన రిలీజ్ డేట్‌‌ను ప్రకటించారు.

విజయ్ ఆంటోని ఫిల్మ్ కార్పోరేషన్, ఫాతిమా విజయ్ ఆంటోనీ సమర్పణలో.. సర్వంత్ రామ్ క్రియేషన్స్ బ్యానర్ మీద రామంజనేయులు జవ్వాజి నిర్మించిన ఈ మూవీని జూన్ 19న విడుదల చేయబోతోన్నట్టుగా ప్రకటించారు. ఈ సినిమాలో విజయ్ ఆంటోని, స్వాసిక, అజయ్, కావ్య ప్రధాన పాత్రలు పోషించారు.

ఇదొక పీరియాడిక్ డ్రామా అని అర్థం అవుతోంది.