ఊటీకి షిఫ్ట్ అయిన Rajinikanth

దేశమంతా ఎండలు మండుతున్నాయి. చెన్నైలో ఇంకా ఎక్కువగా ఉక్కపోత ఉంది. దాంతో సూపర్ స్టార్ రజినీకాంత్ (Rajinikanth) చెన్నై వాతావరణంలో ఉండలేక ఊటీకి షిఫ్ట్ అయ్యారు.

వానాకాలం చిరుజల్లు వచ్చి వాతావరణం చల్లబరిచే లోపు ఊటిలోనే ఉండేలా అక్కడికి వెళ్లిపోయారు. ఊటీలోని ఒక రిసార్ట్ లో ఉంటున్నారు. ఆ హోటల్ సిబ్బంది రజినీకాంత్ కి స్వాగతం పలుకుతున్న వీడియో వైరల్ అయింది.

75 ఏళ్ల రజినీకాంత్ ఇటీవల బాగా ట్రోలింగ్ కి గురి అయ్యారు. తమిళ అగ్ర నటుడు విజయ్ పార్టీ గెలిచింది కానీ ప్రభుత్వం ఏర్పాటు చేసేందుకు కొన్ని సీట్లు తక్కువ వచ్చాయి. ఆ టైంలో విజయ్ సీఎం అవ్వకుండా రజినీకాంత్ తెరవెనుక మంత్రాగం నడిపి విఫలమైనట్లు సమాచారం. దాంతో, రజినీకాంత్ ని తమిళనాట అందరూ విమర్శించారు. విజయ్ ని చూసి రజినీకాంత్ కుళ్ళుకుంటున్నారు అనే కామెంట్ వచ్చింది.

ఆ వెంటనే రజినీకాంత్ మీడియాని పిలిచి తాను ఎలాంటి మంత్రాంగం చెయ్యలేదు అని వివరణ ఇచ్చారు. విజయ్ గెలుపు చాలా గొప్పది అని పేర్కొన్నారు. ఆ వివరణతో వివాదం ముగిసినా ఆయన తన వైఖరితో బాగా బ్యాడ్ అయ్యారు.

ఇక రజినీకాంత్ నటించిన “జైలర్ 2″(Jailer 2)కి ఇంకా విడుదల తేదీ ఫిక్స్ కాలేదు. కమల్ హాసన్ నిర్మాతగా రజినీకాంత్ హీరోగా ప్రకటించిన సినిమాకి ఇప్పటికే ఇద్దరు దర్శకులు మారిపోయారు. మూడో దర్శకుడు లైన్లోకి వచ్చాడు.