దర్శకుడు బుచ్చిబాబుకి లైన్ క్లియర్ అయింది. ‘ఉప్పెన’ దర్శకుడు మొన్నటి వరకు పడ్డ టెన్షన్ ఎగిరిపోయింది. బుచ్చిబాబు చెప్పిన కథకి ఎన్టీఆర్ ఇంతకుముందే ఓకే చెప్పాడు. ఇప్పుడు అది పట్టాలెక్కనుంది.
కొరటాల శివ – ఎన్టీఆర్ కాంబినేషన్ లో రూపొందనున్న కొత్త సినిమా ఫిబ్రవరిలో లాంఛనంగా ప్రారంభం అవుతుంది. ఎనిమిది నెలల్లో పూర్తి చెయ్యాలనేది ప్లాన్. ఆ తర్వాత దర్శకుడు బుచ్చిబాబుకి అవకాశం వస్తుంది. బుచ్చిబాబు – ఎన్టీఆర్ సినిమా దసరాకి మొదలవుతుంది.
దర్శకుడు ప్రశాంత్ నీల్ ప్రభాస్ తో తీస్తున్న ‘సలార్’ సినిమాని రెండు భాగాలుగా మార్చాడు. అంటే 2023లో కూడా నీల్ ‘సలార్’తో బిజీగా ఉంటాడు. అందుకే, ఎన్టీఆర్ – నీల్ కాంబినేషన్ సినిమా వెనక్కి వెళ్ళింది. ప్రశాంత్ నీల్ తో సినిమా కన్నా ముందే బుచ్చిబాబు సినిమా పూర్తి చేస్తాడు ఎన్టీఆర్. త్వరలోనే దీనికి సంబంధించిన అనౌన్స్ మెంట్ రానుంది.
బుచ్చిబాబు – ఎన్టీఆర్ కాంబినేషన్ లో రూపొందే సినిమాకి జాన్వీ కపూర్ ని హీరోయిన్ గా తీసుకోవాలని భావిస్తున్నారట.
