కాజల్ అగర్వాల్ (Kajal Aggarwal) తాజాగా “ది ఇండియా స్టోరీ” (The India Story) అనే సినిమా ప్రమోషన్స్ తో బిజీగా ఉంది. హిందీలో ఆమె నటించిన చిత్రం ఇది. త్వరలోనే విడుదల కానుండడంతో ఈ సినిమాకి సంబంధించి ఇంటర్వ్యూలు ఇస్తోంది.
ఈ సందర్భంగా ఆమె తన తెలుగు చిత్రాల గురించి కూడా మాట్లాడింది.
ఇటీవల ఆమె బాలయ్య కొత్త చిత్రం ఒప్పుకొంది. ఇందులో ఆమె చాలా సీరియస్ పాత్రలో కనిపిస్తుంది అని అందరూ భావిస్తున్నారు. ఆమె మొదటి లుక్ అలాగే ఉంది. అది నిజమే అని అంటోంది కాజల్.
ఆమె ఈ సినిమాలో క్రైమ్ బ్రాంచ్ ఆఫీసర్ గా కనిపిస్తుంది అనీ బాలయ్యతో ఎలాంటి రొమాన్స్ ఉండదు అని కూడా వార్తలు వచ్చాయి. పాత్ర గురించి ఇప్పుడే పూర్తిగా చెప్పలేను. ఎందుకంటే ఈ సినిమా విడుదలకు ఇంకా చాలా నెలల టైం ఉంది. కానీ పాత్ర అర్థవంతంగా ఉంటుంది, సీరియస్ గానే ఉంటుంది అని క్లారిటీ ఇచ్చింది.
ఇంకా పేరు పెట్టని ఈ చిత్రాన్ని NBK111 గా పిలుస్తున్నారు. గోపీచంద్ మలినేని దర్శకత్వం వహిస్తున్నాడు.
