Raashi Khanna: ‘నా కల నెరవేరింది’

పవన్ కళ్యాణ్ (Pawan Kalyan) నటించిన యాక్షన్ డ్రామా ఉస్తాద్ భగత్ సింగ్ (Ustaad Bhagat Singh ) ఈ నెల 19న థియేటర్లలోకి రానుంది. ఈ చిత్రంలో ఒక హీరోయిన్‌గా రాశి ఖన్నా (Raashii Khanna) నటించింది.

పవన్ కళ్యాణ్‌కు జోడిగా రాశి ఖన్నా నటించడం ఇదే మొదటిసారి. పవన్ కళ్యాణ్‌తో కలిసి నటించే అవకాశం కోసం ఈ అమ్మడు స్క్రిప్ట్ కూడా వినకుండా ఈ సినిమాకు ఒప్పుకున్నట్లు సమాచారం.

“ఉస్తాద్ భగత్ సింగ్‌తో నా కోరిక నెరవేరింది. ఇండస్ట్రీలోకి వచ్చిన రోజునుంచి పవన్ కళ్యాణ్ గారితో కలిసి పని చేయాలని అనుకున్నాను. ఈ సినిమాతో అది నిజమైంది. ఈ అవకాశం ఇచ్చిన హరీష్ గారికి ధన్యవాదాలు,” అని తెలిపింది.

ఈ సినిమా తనకు టాలీవుడ్‌లో మళ్లీ మంచి అవకాశాలు తెచ్చిపెడుతుందని, తన కెరీర్‌ను మరోసారి బిజీ చేస్తుందని రాశి ఖన్నా ఆశాభావం వ్యక్తం చేస్తోంది.