ప్రభాస్ ఒక్కో సినిమాకు 150 కోట్లు తీసుకుంటాడు. బన్నీ కూడా ఈమధ్య ఆ రేంజ్ దాటి వెళ్లాడని టాక్ ఉంది. స్టార్ హీరోల రేంజ్ ఇలా ఉంటే, సీనియర్లలో ఇప్పటికీ అత్యథిక పారితోషికం చిరంజీవిదే. తాజా చిత్రానికి ఆయన 70 కోట్ల రెమ్యూనరేషన్ తీసుకున్నట్టు తెలుస్తోంది.
సీనియర్లలో చిరంజీవి తర్వాత బాలకృష్ణ 40 కోట్ల రేంజ్ లో ఉన్నారు. ఇప్పుడు వెంకీ కూడా తన పారితోషికాన్ని ఓ రేంజ్ లో పెంచినట్టు తెలుస్తోంది. కెరీర్ లోనే ఆల్ టైమ్ హయ్యస్టు రెమ్యూనరేషన్ అందుకుంటున్నారట వెంకీ.
త్రివిక్రమ్ తో చేస్తున్న సినిమాకు ఆయన 20 కోట్ల రూపాయలు తీసుకుంటున్నట్టు తెలుస్తోంది. ఇటు అనీల్ రావిపూడి దర్శకత్వంలో చేస్తున్న సినిమాకు అయన ఇంకా 5 కోట్లు పెంచారట. అంటే మొత్తంగా పాతిక కోట్లు అందుకుంటున్నట్టు సమాచారం. మొత్తానికి ఒక్క బ్లాక్ బస్టర్ తో వెంకటేశ్ రేంజ్ పెరిగిపోయిందన్నమాట.
వెంకటేష్ ఇటీవల కెరీర్ లోనే అతి పెద్ద హిట్ అందుకున్నారు… సంక్రాంతికి వస్తున్నాం చిత్రంతో. ఇక “మన శంకర వర ప్రసాద్ గారు” చిత్రం కూడా ఆయనకి హిట్. అందులో హీరో కాదు కానీ గెస్ట్ రోల్ తో కూడా విజయం అందుకున్నారు.
