ఆ సినిమా రిజెక్ట్ చేశాను: Bhagyashri Borse

‘ఎల్లమ్మ’ (Yellamma) సినిమా కోసం చాలామంది హీరోయిన్లను అనుకున్నారు. ముందుగా ఈ సినిమాలో హీరోయిన్ గా సాయిపల్లవి పేరు తెరపైకొచ్చింది. ఆమె తప్పుకుంది. ఆ తర్వాత కీర్తిసురేష్ పేరు వినిపించింది. తను ప్రాజెక్టులో లేనంటూ కీర్తి స్వయంగా ప్రకటించింది.

ఆ తర్వాత మృణాల్ పేరు వినిపించింది. దాదాపు ఆమె పక్కా అనుకున్నారు. కానీ మృణాల్ కూడా ‘ఎల్లమ్మ’ లో చేరలేదు. ఇలా ఈ సినిమా చుట్టూ చాలామంది హీరోయిన్ల పేర్లు వినిపించాయి. ఆ లిస్టులో తన పేరు కూడా ఉందని తాజాగా భాగ్యశ్రీ బోర్సే (Bhagyashri Borse)కూడా బయటపెట్టింది.

“అవును.. ‘ఎల్లమ్మ’ సినిమా నాకు కూడా వచ్చింది. అది చాలామంచి కథ. కానీ అందులో నేను నటించలేకపోయాను. ఆ టైమ్ లో నేను ఇతర ప్రాజెక్టులతో బిజీగా ఉన్నాను. ‘ఎల్లమ్మ’ కు టైమ్ కేటాయించలేకపోయాను. అందుకే చేయలేనని చెప్పాను.”

ఇలా ‘ఎల్లమ్మ’ ప్రాజెక్టు తన దగ్గరకు కూడా వచ్చిన విషయాన్ని బయటపెట్టింది భాగ్యశ్రీ. వరుసగా పీరియాడిక్ సినిమాలు చేస్తున్న ఈ బ్యూటీ, మరికొన్ని రోజుల్లో ‘లెనిన్’ సినిమాతో థియేటర్లలోకి వస్తోంది.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.