మరి నీ పెళ్ళెప్పుడు క్రితి?

హీరోయిన్ కృతి సనన్ కి ఇప్పుడు 35 ఏళ్ళు. సాధారణంగా హీరోయిన్లు 30, 32 ఏళ్లకు పెళ్లి చేసుకుంటారు. ఆ లెక్కన చూస్తే కృతి సనన్ ఈపాటికే చేసుకోవాలి. కానీ ఈ భామ వాయిదా వేస్తోంది.

ఐతే నీ పెళ్లి ఎప్పుడు కృతి అనే ప్రశ్న ఇప్పుడు ఎక్కువ ఎదురవుతోంది ఆమెకి. ఎందుకంటే ఆమె కొంతకాలంగా ఒక ఎన్నారైతో డీప్ గా ప్రేమలో ఉంది. అదొక్కటే కారణం కాదు. ఆమె చెల్లెలు తాజాగా పెళ్లి చేసుకొంది. దాంతో ఆమెకి పెళ్లి ప్రశ్న మొదలైంది.

కృతి సనన్ చెల్లెలు నుపుర్ (ఈ భామ కూడా హీరోయినే) మొన్న ఆదివారం తన బాయ్ఫ్రెండ్ ని పెళ్లాడింది. అక్క పెళ్లి కాకుండా తానే ముందు చేసుకొంది. మరి చెల్లెలు పెళ్లి అయినప్పుడు అక్కకు ప్రశ్నలు ఎదురుకావడం సహజం కదా. పైగా ఆమె బాయ్ ఫ్రెండ్ కూడా పెళ్ళికి రెడీగా ఉన్నాడు.

ALSO READ: Actress Nupur Sanon marries singer Stebin Ben

కబీర్ అనే ఒక ఎన్నారై వ్యాపారవేత్తతో ఆమె సహజీవనం చేస్తోంది. అతను కూడా కృతి చెల్లెలు పెళ్లి వేడుకల్లో పాల్గొన్నాడు. కృతితోనే అన్ని ఫొటోల్లో కనిపించాడు.

ఈ భామ ప్రస్తుతం బాలీవుడ్ లో మంచి పొజిషన్ లో ఉంది. పెళ్లి అయినా కూడా అందరూ హీరోయిన్లు నటిస్తున్నారు. పిల్లలు పుట్టిన తర్వాత కూడా హీరోయిన్ గా అవకాశాలు పొందుతున్నారు. మరి, కృతి దేని గురించి ఆలోచిస్తోంది?