Spirit: ప్రభాస్ పాటలు అదుర్స్

ప్రభాస్, దర్శకుడు సందీప్ రెడ్డి వంగా కలయికలో “స్పిరిట్” (Spirit) సినిమా రూపొందుతోంది. ఈ సినిమా షూటింగ్ ఒక పది రోజులు మాత్రమే ఇప్పటివరకు జరిగింది. ఇది పూర్తి కావాలంటే మరో 10 నెలలు పడుతుంది. కానీ అప్పుడే ఈ సినిమా పాటల గురించి, మ్యూజిక్ గురించి చర్చ మొదలైంది.

సందీప్ రెడ్డి వంగా ఇప్పటివరకు మూడు సినిమాలు తీశాడు. మూడూ పెద్ద హిట్. అన్నీ మ్యూజికల్ హిట్స్. అందుకే, ఈ సినిమా పాటల విషయంలో భారీ అంచనాలు ఉన్నాయి.

“యానిమల్ కి మ్యూజిక్ ఇచ్చిన హర్షవర్ధన్ రామేశ్వర్ ఈ సినిమాకి సంగీతం ఇస్తున్నాడు. ఇప్పటికే మూడు పాటలు పూర్తి అయ్యాయి. రెండు పాటలు రికార్డు చేశాం. నేను రాసిన పాటలు అదిరిపోయాయి. ప్రభాస్ ఈ సినిమాలో మామూలుగా ఉండడు. అభిమానులకు పూనకాలే. థియేటర్లో ఈ సినిమా పాటలు ఊపేస్తాయి,” అని పాటల రచయిత అనంత శ్రీరామ్ చెప్పారు.

దాంతో “స్పిరిట్” పాటలపై మరింతగా హైప్ పెరిగింది.

ఈ సినిమాలో ప్రభాస్ సరసన త్రిప్తి డుమ్రి నటిస్తోంది. వచ్చే ఏడాది వేసవిలో ఈ సినిమా విడుదల కానుంది.