కొరటాల అటు ఇటూ ఎటో

కొరటాల శివ పరిస్థితి ప్రస్తుతం విచిత్రంగా ఉంది. “దేవర” నిర్మాతలు సీక్వెల్ ఉంది అని ఎప్పుడూ ఊరిస్తూనే ఉంటారు. ఎన్టీఆర్ కూడా “దేవర 2” ఉంది అని చాలా సార్లు చెప్పాడు. నిన్ననే “దేవర” విడుదలై ఏడాది పూర్తి అయిన సందర్భంలో కూడా దేవర 2 ఉంది అని ఘనంగా ప్రకటించారు.

ఐతే, అది ఎప్పుడు అనే విషయంలోనే ఎవరికీ క్లారిటీ లేదు. క్లారిటీ ఉన్నదల్లా ఇప్పట్లో స్టార్ట్ కాదు అనేది. అందుకే, దర్శకుడు కొరటాల శివ తన తదుపరి చిత్రం కోసం అటు ఇటు తిరుగుతున్నారు.

ALSO READ: Devara clocks a year, makers gear up for Part 2

నాని, విజయ్ దేవరకొండ, నాగ చైతన్య ఇలా చాలా పేర్లు పరిశీలించారు. నాగ చైతన్యతో దాదాపుగా కన్ఫర్మ్ అయింది. కానీ ఇప్పుడు మళ్ళీ బాలకృష్ణతో చేస్తే బాగుంటుంది అనే ఆలోచనతో అటు వైపు వెళ్ళాడట.

“దేవర” విజయం సాధించినా కొరటాల శివకి పేరు రాలేదు. ఆ సినిమా చాలా విమర్శలు ఎదురుకొంది. అందుకే ఇమ్మిడియట్ గా “దేవర 2” స్టార్ట్ చెయ్యడం లేదు. మిగతా పెద్ద హీరోలు ఇప్పట్లో ఆయనికి డేట్స్ ఇచ్చే పరిస్థితి లేదు. మరోవైపు సెకండ్ రేంజ్ హీరోలు నాని, విజయ్ దేవరకొండ కూడా ఇతర చిత్రాలతో బిజీగా ఉన్నారు.

అందుకే, కొరటాల నాగ చైతన్య కానీ బాలయ్యతో కానీ వెళ్లేలా ఉన్నారు అని అంటున్నారు.