శృతి దశ తిరిగిందిగా!

శృతి హాసన్ పని అయిపోయింది అనుకున్నారు చాలా మంది. నిజంగానే గతేడాది ఆమె కెరీర్ చాలా దయనీయ స్థితిలో ఉంది. కానీ ఈ ఏడాది ఆమె స్థితి మారిపోయింది. ఇప్పుడు పెద్ద సినిమాలు వస్తున్నాయి.

శృతి హాసన్ ఇప్పుడు అడివి శేష్ సరసన కూడా ఛాన్స్ కొట్టేసింది. ప్రభాస్ సరసన “సలార్” వంటి పెద్ద సినిమా చేసిన ఈ భామ ఇప్పుడు హిందీ, తెలుగులో రూపొందనున్న అడివి శేష్ మూవీ కూడా చేస్తోంది.

ఈ ఏడాది ఈ భామ ఇప్పటికే “వాల్తేర్ వీరయ్య”, “వీరసింహారెడ్డి” చిత్రాల్లో నటించింది. ఇక ఇటీవల విడుదలైన “హాయ్ నాన్న” సినిమాలో ఒక పాటలో కనిపించింది. ఐతే, “హాయ్ నాన్న” పాట ఆమెకి ఎలాంటి ఉపయోగం చెయ్యలేదు అనుకొండి. మొత్తమ్మీద “సలార్”తో కలిపి ఈ ఏడాది నాలుగు చిత్రాల్లో నటించిన ఈ భామ 2024 కూడా భారీగానే స్టార్ట్ చేయనుంది.

శృతి హాసన్ కెరీర్ మళ్ళీ గాడిలో పడింది. ఐతే, ఆమె గ్లామర్ మాత్రం మునుపటిలా లేదు.