నిన్న సమంత. నేడు సాయి ధరమ్ తేజ్. ఇద్దరూ సినిమాలకు కొంతకాలం దూరంగా ఉండాలని నిర్ణయం తీసుకున్నారు. సాయి ధరమ్ తేజ్ రెండేళ్ల క్రితం బైక్ యాక్సిడెంట్ కి గురయ్యాడు. నెలల కొద్దీ ఆసుపత్రిలోనే చికిత్స తీసుకొని బయటపడ్డాడు. ఆ తర్వాత “విరూపాక్ష” షూటింగ్ పూర్తి చేసి, భారీ విజయం అందుకున్నాడు. అలాగే తన మావయ్య పవన్ కళ్యాణ్ తో కలిసి ‘బ్రో’ సినిమాలో నటించాడు.
ఆ సినిమా ఈ నెలాఖరున విడుదల కానుంది. ఈ సినిమా విడుదల తర్వాత సినిమాలకు గ్యాప్ ఇవ్వనున్నట్లు ప్రకటించాడు. యాక్సిడెంట్ నుంచి పూర్తిగా కోలుకున్నప్పటికకీ ఆయన మాటల్లో కొంత అస్పష్టత కనిపిస్తోంది. డైలాగ్స్ చెప్పడంలో ఇప్పటికీ ఇబ్బంది పడుతున్నాడు. అందుకే మరోసారి మరో సర్జరీ చేయించుకోబోతున్నాడు.
ఆ తర్వాత ఫిట్ నెస్ కోసం ప్రయత్నిస్తాను అని స్పష్టం చేశాడు.
అందుకే సాయిధరమ్ తేజ్ కనీసం ఆరు నెలల గ్యాప్ తీసుకోవాలని డిసైడ్ అయ్యాడు. కెరీర్ కన్నా ఆరోగ్యం ముఖ్యం. ఆరోగ్యంగా ఉంటేనే కెరీర్ ఉంటుంది కదా.
