రామ్ చరణ్ హీరోగా రూపొందుతోన్న “పెద్ది” (Peddi) సినిమా విడుదల తేదీపై పెదవి విప్పాడు దర్శకుడు బుచ్చిబాబు (Buchi Babu). ధనుష్ హీరోగా రూపొందిన “కర” సినిమా ప్రీ రిలీజ్ ఈవెంట్ కి బుచ్చిబాబు హాజరయ్యాడు. అక్కడ అభిమానులు పెద్ది పెద్ది అని అరవడంతో రిలీజ్ డేట్ చెప్పాడు.
“జూన్ 25న వస్తుంది,” అని ప్రకటించాడు.
ఈ సినిమా ఇప్పటికే రెండు సార్లు వాయిదా పడింది. దాంతో అభిమానుల్లో చాలా ఆందోళన ఉంది. అందుకే ఇలా క్లారిటీ ఇచ్చాడు బుచ్చిబాబు.
ప్రస్తుతం “పెద్ది” సినిమాకి సంబంధించిన ఐటెం సాంగ్ షూటింగ్ జరుగుతోంది. రామ్ చరణ్, శృతి హాసన్ ఈ పాటలో నటిస్తున్నారు. ఈ పాట షూటింగ్ ఈ నెల 30 వరకు సాగుతుంది. దాంతో సినిమా చిత్రీకరణ పూర్తి అవుతుంది. దాంతో, జూన్ 25న విడుదల చేసేందుకు మార్గం సుగమం అయింది.
