హీరోయిన్ రెబ మోనిక ( Reba Monica John) గురించి పరిచయం అక్కర్లేదు. తెలుగులో ఈ భామ ఇటీవలే “మృత్యుంజయ్” సినిమాలో కనిపించింది. శ్రీ విష్ణు నటించిన ఈ సినిమాలో ఆమె ఒక పోలీస్ ఆఫీసర్ గా నటించింది. ఇప్పుడు తన వ్యక్తిగత జీవితానికి సంబంధించి వార్తల్లోకి వచ్చింది. ఈ భామ తల్లి కాబోతోంది.
ఈ విషయాన్నీ తనే ప్రకటించింది. బీచ్ లో భర్తతో కలిసి ఫోటోషూట్ చేసి.. ఆ ఫోటోలను షేర్ చేస్తూ ఇద్దరం ముగ్గురం కాబోతున్నాం అని రాసుకొచ్చింది. “ఇద్దరి నుండి ముగ్గురం అవుతున్నాం. హలలూయ! ఈ అద్భుతమైన బహుమతిని ప్రసాదించిన ప్రభువుకు కృతజ్ఞతలు. ఈ ప్రత్యేకమైన ప్రయాణానికి మీ అందరి ప్రేమను, ఆశీర్వాదాలను కోరుకుంటున్నాము.”
2022లో ఆమె తన బాయ్ ఫ్రెండ్ జామున్ జోసెఫ్ (Joemon Joseph) పెళ్లాడింది. పెళ్ళైన నాలుగేళ్ళ తర్వాత తల్లి కాబోతున్నట్టు చెప్పిన ఈ భామ ఇది దేవుడి వరమంటూ ఆనందపడుతోంది.
తెలుగులో “సామాజవరాగమన” వంటి హిట్ సినిమాల్లో నటించింది. ఆ తర్వాత “సింగిల్” చిత్రంలో గెస్ట్ రోల్ చేసింది. మ్యాడ్ స్క్వేర్ లో ఐటెం సాంగ్ చేసింది. విజయ్ కొత్త చిత్రం “జన నాయగన్”లోనూ ఒక పాత్ర పోషించింది.
