గత ఏడాది పూజ హెగ్డే (Pooja Hegde) ఒకేసారి మూడు, నాలుగు సినిమాలు ఒప్పుకొంది. కానీ వాటి విడుదల చాలా ఆలస్యం అయింది. గతేడాదే విడుదల కావాల్సిన ఆమె హిందీ చిత్రం ‘హై జవానీ తో ఇష్క్ హోనా హై’ (Hai Jawani Toh Ishq Hona Hai) గత నెలలో విడుదల అయి పరాజయం పాలు అయింది. ఆరు నెలలు ఆలస్యం అయింది.
ఇక ఈ ఏడాది జనవరి 9న విడుదల కావాల్సిన ఆమె తమిళ చిత్రం ‘జన నాయగన్’ (Jana Nayagan) ఏడు నెలలు ఆలస్యంగా విడుదల కానుంది. తాజాగా ఈ సినిమాకి విడుదల తేదీ ప్రకటించారు. జులై 23న ప్రపంచవ్యాప్తంగా భారీ ఎత్తున థియేటర్లలోకి రానుంది ఈ విజయ్ చిత్రం. విజయ్ తమిళనాడు ముఖ్యమంత్రిగా విడుదల అవుతోన్న మొదటి చిత్రం. హీరోగా ఇదే అతనికి చివరి చిత్రం.
ఈ సినిమాతో ఆమె హిట్ అందుకోగలనని నమ్మకంగా ఉంది. ఎందుకంటే విజయ్ చివరి చిత్రం ఇది. అభిమానులు ఎగబడి చూస్తారు.
ఇక విడుదల కావాల్సిన చిత్రాలు మరో రెండు ఉన్నాయి. ఒకటి దుల్కర్ సల్మాన్ సరసన “శ్రీ శ్రీ” అనే తెలుగు చిత్రం. మరోటి రాఘవ లారెన్స్ తీస్తున్న “కాంచన 4.”
