ప్రతి హీరోయిన్ కు తనకు కాబోయే భర్త ఎలా ఉండాలనే అంశంపై నిర్దిష్ట అభిప్రాయాలున్నాయి. హీరోయిన్ అనన్య నాగళ్లకు (Ananya Nagalla) కూడా తనకు కాబోయే భర్తపై కొన్ని అంచనాలున్నాయి. వాటిలో కొన్నింటిని బయటపెట్టింది ఈ ముద్దుగుమ్మ.
నిజాయితీగా ఉండే మగాళ్లంటే అనన్య నాగళ్లకు చాలా ఇష్టమంట. అలాంటి వ్యక్తి ఎదురుపడితే కచ్చితంగా అతడితో డేటింగ్ మొదలుపెడతానంటోంది. అయితే అలాంటి వ్యక్తి సినీ పరిశ్రమలో కనిపిస్తే మాత్రం కష్టమంటోంది ఈ బ్యూటీ.
ఇండస్ట్రీకి చెందిన వ్యక్తులతో రిలేషన్ లో ఉండడం అనన్యకు భయమంట. అందుకే నిజాయితీ కలిగిన మగాళ్ల కోసం ఇండస్ట్రీ వెలుపల వెదుకుతోంది ఈ అమ్మాయి. ఇక కాస్టింగ్ కౌచ్ పై స్పందిస్తూ, పరిశ్రమలో ఇప్పటివరకు తనకు అలాంటి చేదు అనుభవాలు ఎదురవ్వలేదని చెబుతోంది.
ప్రస్తుతం ఈ ముద్దుగుమ్మ సినిమాల్లో తక్కువగా ఇనస్టాగ్రామ్ లో ఎక్కువగా కనిపిస్తోంది. రీసెంట్ గా తన ఎకౌంట్ కు సబ్ స్క్రిప్షన్ కూడా మొదలుపెట్టింది. ఎక్స్ క్లూజివ్ కంటెంట్ కావాలంటే, కొంత డబ్బు కట్టి తన ఎకౌంట్ ను సబ్ స్క్రైబ్ చేసుకోమని ఊరిస్తోంది.
