బెంగళూరులో ‘పెద్ది’ (Peddi) ప్రమోషనల్ ఈవెంట్ జరిగింది. ఈ కార్యక్రమానికి రామ్ చరణ్ (Ram Charan), జాన్వితో పాటు శివరాజ్ కుమార్ హాజరయ్యారు. పెద్ది సినిమాకు సంబంధించి కొన్ని పాటలు, ట్రయిలర్ ప్రదర్శించారు. ఆ తర్వాత చరణ్ మాట్లాడాడు. మధ్యలో శివరాజ్ కుమార్ మాట్లాడాడు. జాన్వి కూడా నవ్వుతూ మాట్లాడేసింది.
అయితే ఇందులో ఎక్కడా చమక్కుల్లేవు. మొత్తం ఈవెంట్ మీద మెరిసిన సందర్భం ఒకే ఒక్కటుంది. టోటల్ ఈవెంట్ లో ఓ చిన్న పిల్లాడు అందర్నీ ఎట్రాక్ట్ చేశాడు. రామ్ చరణ్ తో సహా.
‘పెద్ది’ సినిమాకు సంబంధించి ఒక్కో సాంగ్ ప్లే చేస్తుంటే, ఈ బుడతడు అదే పనిగా డాన్స్ చేశాడు. అది కూడా తన తండ్రి భుజాలపై కూర్చొని. మరీ ముఖ్యంగా ‘చికిరి చికిరి’.. ‘రయ్ రయ్ రారా’ సాంగ్స్ కైతే అల్టిమేట్ ఎక్స్ ప్రెషన్స్ ఇచ్చాడు.
పిల్లాడి డాన్స్, హావభావాలు చరణ్ ను కూడా ఆకర్షించాయి. అందుకే తన స్పీచ్ అయిన వెంటనే బుడ్డోడ్ని స్టేజ్ పైకి పిలిచాడు. తనతో పాటు తెచ్చుకున్న క్రికెట్ బ్యాట్ ను బాబుకు ఇచ్చాడు. ఆ పిల్లాడికి ఏం జరుగుతుందో అర్థం కాలేదు. ఇది నాకేనా అంటూ బేలగా కన్నడలో అడిగాడు. దీంతో చరణ్ మరింత పొంగిపోయాడు. ఆ బ్యాట్ పై తన సంతకం చేసి మరీ బుడ్డోడికి బహుమతిగా ఇచ్చాడు. టోటల్ ఈవెంట్ లో ఈ సన్నివేశం హైలెట్ గా నిలిచింది.
