నటి అభిరామి (Abhirami) గుర్తుందా? 42 ఏళ్ల ఈ నటి 2010లోనే తెలుగులో సినిమా చేసింది. ఆ తర్వాత ‘చెప్పవే చిరుగాలి’ లాంటి 2-3 సినిమాల్లో నటించింది. ఉన్నట్టుండి సడెన్ గా తెలుగు తెర నుంచి మాయమైంది. దీంతో ఆమె కెరీర్ కు ఫుల్ స్టాప్ పెట్టిందని చాలామంది అనుకున్నారు.
కానీ తను కెరీర్ కొనసాగిస్తున్నానని, మనసుకు నచ్చిన పాత్రలు చేస్తున్నానని వెల్లడించింది అభిరామి. స్లిమ్ గా మారిన ఈ హీరోయిన్, పొట్టి డ్రెస్ లో ఓ కార్యక్రమానికి హాజరై అందర్నీ ఆకర్షించింది. తనకు తెలుగు నుంచి కూడా ఆఫర్లు వస్తున్నాయని అంటోంది.
“నాకు ఆఫర్లు రావట్లేదు అనడం కరెక్ట్ కాదు. నేను ప్రస్తుతం 3 తెలుగు సినిమాలు చేస్తున్నాను. వీటిలో ‘కామాఖ్య’ అనే సినిమా ఆల్రెడీ షూటింగ్ పూర్తయింది. మరో 2 సినిమాలు జరుగుతున్నాయి. సో.. నేను ఎక్కడికీ వెళ్లలేదు, ఇక్కడే ఉన్నాను.”
సీనియర్ నటుడు అర్జున్ తో కలిసి ‘బ్లాస్ట్ జోన్’ అనే సినిమా చేసింది అభిరామి. ఈ సినిమా ప్రచారంలో మాట్లాడుతూ, తన కెరీర్ పై స్పష్టతనిచ్చింది. నిజానికి ఆమె 2024 నుంచి మళ్లీ తెలుగులో కనిపిస్తోంది. కానీ ఆశించిన స్థాయిలో గుర్తింపు రావడం లేదు.
