పవన్ కల్యాణ్ (Pawan Kalyan) ప్రస్తుతం ఆంధ్ర ప్రదేశ్ ఉప ముఖ్యమంత్రి. ఐతే బీజేపీ – టీడీపీ స్కెచ్ లో భాగంగా త్వరలో జరగబోయే హైదరాబాద్, వరంగల్ కార్పొరేషన్ ఎన్నికల కోసం రంగంలోకి దిగారు పవన్ కల్యాణ్. జనసేనని పోటీలో దింపి, బీజేపీకి అనుకూల వాతావరణం కల్పించే పని పెట్టుకున్నారు పవన్ అని టాక్. అందుకే, మొన్నామధ్య హైదరాబాద్ లో ప్రెస్ మీట్ తెలంగాణ మీ జాగీరా అంటూ రెచ్చిపోయారు. ఇప్పుడు వరంగల్ లో హడావిడి చేశారు.
పనిలో పనిగా “OG 2” గురించి మాట్లాడారు.
పవన్ కల్యాణ్ హీరోగా సుజిత్ దర్శకత్వంలో వచ్చిన ‘ఓజీ’ సినిమా మంచి విజయాన్ని అందుకుంది. దీనికి త్వరలోనే సీక్వెల్ రాబోతోందనే విషయాన్ని కూడా రీసెంట్ గా అధికారికంగా ప్రకటించారు. ఐతే, తాజాగా హన్మకొండలో అనారోగ్యంతో ఉన్న తన అభిమాని నిరంజన్ను పవన్ కల్యాణ్ స్వయంగా వెళ్లి పరామర్శించారు. ఆ సమయంలో నిరంజన్ ఎంతో ఆత్రుతగా ”OG 2″ అప్డేట్ గురించి పవన్ను అడగడంతో, పవన్ అభిమానికి ఒక మాట ఇచ్చారు.
ఒకవేళ తాను ‘ఓజీ-2’ సినిమా తీస్తే దానికి స్పెషల్ గెస్ట్గా నిన్నే ప్రత్యేకంగా ఆహ్వానిస్తానని ప్రామిస్ చేశారు.
అంటే నిజంగా “OG 2” మొదలవుతుందా అనే విషయంలో పవన్ కళ్యాణ్ కి సందేహంగా ఉందా?
తెలంగాణలో ఎన్నికల కోసం ఇంకా పవన్ నుంచి ఎంతో హడావిడి చూడాల్సి ఉంటుంది. ఓజీ సీక్వెల్ సంగతి ఏమో కానీ రాజకీయ సినిమా మాత్రం మనం చూడబోతున్నాం.
