రామ్ చరణ్ (Ram Charan) అభిమానులకు మరో చేదు వార్త. “పెద్ది” (Peddi) మరోసారి వాయిదా పడబోతోందా? అనే ప్రశ్న జనం మదిలో ఉంది. దానికి సమాధానం అవును అనే చెప్పాలి. “పెద్ది” సినిమా ఈ నెల విడుదల కావడం లేదు. ఈ విషయంలో క్లారిటీ వచ్చింది.
ఏప్రిల్ 30 నుంచి కూడా వాయిదా పడబోతోంది. రెండు, మూడు రోజుల్లో ఈ విషయాన్ని అధికారికంగా ప్రకటిస్తారు.
రామ్ చరణ్, బుచ్చిబాబు కాంబినేషన్లో వస్తోన్న ఈ సినిమాని మొదట మార్చి 27న విడుదల చెయ్యాలనుకున్నారు. ఆ తర్వాత సినిమాని ఏప్రిల్ 30కి వాయిదా వేశారు. తాజా సమాచారం ప్రకారం మరో రెండు నెలలు వెనక్కి వెళ్తోంది.
కుదిరితే జూన్ లేదంటే ఆగస్టులో విడుదల చెయ్యాలని భావిస్తున్నారట. ఈ సినిమాపై చాలా హైప్ ఉంది. అందరిలోనూ పాజిటివ్ బజ్ ఉంది. సినిమా కూడా బాగా వచ్చింది అని టాక్. పాన్ ఇండియా లెవల్లో గ్యారెంటీగా హిట్ అయ్యే ఈ సినిమా విషయంలో ఎందుకు రాజీ పడాలి అని దర్శకుడి భావన. లేట్ అయినా సినిమాని టెక్నీకల్ గా కూడా సూపర్ ఉండేలా ప్యాకేజ్ చేసేందుకు దర్శకుడు కష్టపడుతున్నాడు. అందుకే మరోసారి వాయిదా పడుతోంది.
