రామ్ పోతినేని (Ram Pothineni)కొత్త సినిమా ఇంకా ప్రకటించలేదు. గతేడాది ఎన్నో ఆశలు పెట్టుకొని నటించిన “ఆంధ్ర కింగ్ తాలూకా” బాక్సాఫీస్ వద్ద నిరాశపరిచింది. దాంతో, కొత్త సినిమాలపై ఆలోచనలో పడి మొత్తానికి ఒక సినిమా ఒప్పుకున్నాడు.
కొత్త దర్శకుడు తీసే ఈ సినిమా ఈ నెలాఖరులో కానీ వచ్చే నెలలో కానీ ముహూర్తం జరుపుకోనుంది. రామ్ సోదరుడే ఈ సినిమాని నిర్మిస్తాడట. లోకి విగ్నేష్ (Logi Vignesh) అనే కొత్త దర్శకుడు చెప్పిన కథని రామ్ ఇప్పటికే ఓకె చేశాడు. ఆ సినిమానే సెట్స్ పైకి వెళ్తుంది.
ఈ సినిమా మీద నమ్మకంతో తన సోదరుడు కృష్ణ పోతినేనికి నిర్మాణం అప్పచెప్పాడు.
రామ్ పోతినేని ఇప్పుడు కొత్త సినిమాలపై చాలా ఆచితూచి వ్యవహరిస్తున్నాడు. “ఇస్మార్ట్ శంకర్” తర్వాత సరైన బ్లాక్ బస్టర్ లేదు. రొమాంటిక్ చిత్రాల నుంచి బయటపడ్డాడు. ఇప్పుడు యాక్షన్ సినిమాలు ఎక్కువగా చేస్తున్నాడు. ఈ కొత్త సినిమాలో న్యూ ఏజ్ నేరేషన్ ఉంటుందట.
