ఇప్పటికే లవ్ లైఫ్, పెళ్లి, డేటింగ్ లాంటి అంశాలపై ఓపెన్ గా స్పందించింది శ్రీలీల (Sreeleela). ఎప్పుడూ పక్కనే అమ్మ ఉంటుందని, కాబట్టి డేటింగ్ చేయడం కుదరట్లేదంటూ తన బాధను కూడా ఆమధ్య వ్యక్తం చేసింది.
తాజాగా పెళ్లికి సంబంధించి మరికొన్ని ఆసక్తికర విషయాల్ని పంచుకుంది ఈ ముద్దుగుమ్మ.
ఇప్పట్లో తనకు పెళ్లి చేసుకునే ఆలోచన లేదని, ఒకవేళ పెళ్లి చేసుకోవాల్సి వస్తే తన కాబోయే భర్తకు ఎలాంటి క్వాలిటీస్ ఉండాలో బయటపెట్టింది శ్రీలీల. అందంతో పాటు మరికొన్ని అదనపు ఆకర్షణలు చెప్పుకొచ్చింది.
“నేను పెళ్లి చేసుకుంటే ఎలాంటి వ్యక్తిని చేసుకుంటానంటే.. నాకు జీవిత భాగస్వామిగా వచ్చే వ్యక్తి కేవలం లుక్స్ పరంగా బాగుంటే సరిపోదు. అతడి వ్యక్తిత్వం కూడా బాగుండాలి. ఎదుటివారిని అర్థం చేసుకునే గుణం ఉండాలి. మరీ ముఖ్యంగా అతడికి 3 లక్షణాలుండాలి. మనిషి సెన్సిబుల్ గా ఉండాలి, ఎదుటి వ్యక్తి భావాల్ని గౌరవించగలగాలి, మంచి హాస్యచతురత ఉండాలి”
తనకు కాబోయే వ్యక్తిలో ఈ 3 క్వాలిటీస్ మస్ట్ గా ఉండాలంటోంది శ్రీలీల. ఒకవేళ ఫ్యూచర్ లో పెళ్లి చేసుకోవాల్సి వస్తే అలాంటి వ్యక్తినే పెళ్లాడతానంటోంది.
బాలీవుడ్ లో కార్తీక్ ఆర్యన్ తో ఆమె డేటింగ్ లో ఉందనే రూమర్స్ నేపథ్యంలో.. తన కాబోయే భర్త ఎలా ఉండాలో శ్రీలీల చెప్పడం అందర్నీ ఆకర్షిస్తోంది. ప్రస్తుతం ఆమె తన తొలి హిందీ సినిమా కోసం ఆత్రుతగా ఎదురుచూస్తోంది.
