Naga Chaitanya’s Vrushakarma – Budget and details: నాగ చైతన్య నటిస్తోన్న భారీ చిత్రం.. వృషకర్మ (Vrushakarma). ఈ సినిమా స్టార్ట్ ఇప్పటికే ఏడాది అవుతోంది. గత ఏడాది ఫిబ్రవరిలో “తండేల్” సినిమా విడుదలైంది. ఆ సినిమాకి ముందే విరూపాక్ష దర్శకుడితో సినిమా సైన్ చేశాడు నాగ చైతన్య. ప్రముఖ నిర్మాత బీవీఎస్ఎన్ ప్రసాద్, అయన కుమారుడు బాపినీడు నిర్మాణంలో ఈ సినిమా మొదలైంది.
ఈ సినిమాకి “వృషకర్మ” అనే పేరుని ఖరారు చేశారు. భారీ సెట్లు, భారీ విజువల్ ఎఫెక్ట్స్ తో రూపొందుతున్న ఈ సినిమాకి ముందు అనుకున్న బడ్జెట్ 75 కోట్లు. కానీ అది ఇప్పటికే 100 దాటింది అని సమాచారం. అదే ఇప్పుడు సమస్యగా మారింది.
రెండేళ్ల క్రితం ఉన్న పరిస్థితులు వేరు, ఇప్పటి సీన్ వేరు. ఇప్పుడు ఓటిటి కంపెనీలు పెద్ద అమౌంట్స్ ఇవ్వడం లేదు. దాంతో, “వృషకర్మ” బడ్జెట్ ని రాబట్టుకోవాలంటే కనీసం సగం అయినా ఓటిటి నుంచి రావాలి. ఇప్పుడు అదే భయం మొదలైంది నిర్మాతకు.
ఇవన్నీ పేరుకే పాన్ ఇండియా చిత్రాలు కానీ హిందీ, ఇతర భాషల్లో ఆడితేనే పాన్ ఇండియా సినిమా అని చెప్పాలి. పేరుకి పాన్ ఇండియా అని చెప్పి ఇప్పుడు తెలుగు మార్కెట్ నుంచే 95 శాతం వసూళ్లు కోసం ప్రయత్నిస్తున్నారు నిర్మాతలు.
నాగ చైతన్య హిందీ సినిమాలో నటించాడు. కానీ అతనికి ఇప్పటివరకు పాన్ ఇండియా మార్కెట్ రాలేదు. “తండేల్” తెలుగులో తప్ప ఎక్కడా ఆడలేదు. తెలుగులో కూడా అమెరికా మార్కెట్ లో ఫ్లాప్ అయింది. అందుకే, ఈ సినిమా బడ్జెట్ పెరిగిపోవడంతో నిర్మాతకు భయం మొదలైంది అని టాక్.
