జాన్వీ కపూర్ (Janhvi Kapoor)ని “పెద్ది” సినిమాలో చూపించిన విధానం, ఆమె పాత్ర చిత్రీకరణ విషయంలో రేగిన గోల నేపథ్యంలో దర్శకుడు బుచ్చిబాబు సరైన నిర్ణయం తీసుకున్నాడు. దాదాపు రెండు నిమిషాల సన్నివేశాలను సినిమా నుంచి తొలగించి ప్రస్తుతం నిడివి తగ్గిన సినిమాని థియేటర్లలో ప్రదర్శిస్తున్నారు.
జాన్వీ కళ్ళ గురించి హీరో రామ్ చరణ్ చెప్తున్నప్పుడు ఆమె ఎద భాగం చూపించడం, పెదవులు, ముక్కు గురించి వర్ణిస్తున్నప్పుడు ఆమె నడుము, ఒంపుసొంపులు చూపిస్తూ ఎడిటింగ్ కటింగ్ చేశారు. దాంతో, చాలా విమర్శలు వచ్చాయి. అలాగే సినిమాలో ఇంకా కొన్ని అభ్యంతరకర డైలాగులు, పాటలో లిరిక్స్ ఉన్నాయి. కానీ ప్రధానంగా విమర్శలు ఎదుర్కున్న సన్నివేశాలను తొలగించారు.
ALSO READ: Buchi Babu apologises for Janhvi Kapoor’s portrayal, promises changes
ఈ సినిమా విడుదల తర్వాత జాన్వీ కపూర్ సైలెంట్ అయిపోయింది. ఆమె కూడా ఇబ్బందిపడినట్లు సమాచారం.
అలాగే దర్శకుడు బుచ్చిబాబు కూడా క్షమాపణలు కోరుతూ ఒక నోట్ పెట్టాడు సోషల్ మీడియాలో.
“పెద్ది” సినిమా ఇప్పుడు మూడో రోజు థియేటర్లలో నడుస్తోంది. మొదటి రెండు రోజులు భారీ వసూళ్లు అందుకొంది. ఈ శని, ఆదివారాలు కూడా మంచి కలెక్షన్లు ఉంటాయి.
