తమిళ సంగీత దర్శకుడు జీవి ప్రకాష్ కుమార్ (GV Prakash Kumar)కి తెలుగులో సడెన్ గా క్రేజ్ పెరుగుతోంది. ముఖ్యంగా మిడ్ రేంజ్ దర్శకులు ఆయనతో పని చేసేందుకు ఎక్కువగా ఆసక్తి చూపుతున్నారు. తమిళంలో సినిమాలకు కంపోజ్ చేస్తూనే నటిస్తుంటాడు జీవి . ఇక ఇప్పుడు తెలుగు సినిమాలకు కూడా ఎక్కువగా వర్క్ చేస్తున్నాడు.
జీవి ప్రకాష్ ప్రస్తుతం తెలుగులో చేస్తున్న సినిమాలు ఇవి.
1) ఇరుముడి (Irumudi): రవి తేజ హీరోగా నటిస్తున్న చిత్రం ఇది. శివ నిర్వాణ దర్శకుడు. తాజాగా గ్లిమ్ప్స్ కూడా విడుదలైంది.
2) విశ్వనాథ్ అండ్ సన్స్ (Vishwanath & Sons): తమిళ హీరో సూర్యతో తెలుగు దర్శకుడు వెంకీ అట్లూరి, తెలుగు నిర్మాత నాగవంశీ తీస్తున్న చిత్రం ఇది. తెలుగు-తమిళ భాషల్లో రూపొందుతోంది. ఆగస్టులో ఈ సినిమా విడుదల కానుంది.
3) శ్రీనివాస మంగాపురం (Srinivasa Mangapuram): “ఆర్ ఎక్స్ 100” వంటి మ్యూజికల్ హిట్ తీసిన దర్శకుడు అజయ్ భూపతి తీస్తున్న కొత్త చిత్రం ఇది. ఇప్పటికే రెండు పాటలు కూడా విడుదల అయ్యాయి. మహేష్ బాబు సోదరుడి కొడుకు జయకృష్ణ, రవీనా టాండన్ కూతురు రషా నటిస్తోన్న లవ్ స్టోరీ ఇది.
