హీరో రవితేజ (Ravi Teja), యువ దర్శకుడు హసిత్ గోలి (Hasith Goli) ఒక సినిమా చెయ్యబోతున్నారు అని తెలుగుసినిమా.కామ్ చాలా రోజుల క్రితం న్యూస్ బ్రేక్ చేసింది. ఆ సినిమాకి “అక్కాయ్ లు బాగున్నారా?” అనే టైటిల్ అనుకుంటున్నట్లు కూడా ప్రచురించాం.
ఐతే, రెండ్రోజులుగా సోషల్ మీడియాలో ఒక ప్రచారం మొదలైంది. ఈ సినిమాలో రవితేజ ట్రాన్స్ జెండర్ గా కనిపించబోతున్నాడు అనేది ఈ వైరల్ న్యూస్ సారాంశం. దాంతో, రవితేజ చాలా డేరింగ్ స్టెప్ వేస్తున్నాడు అని కొందరు మెచ్చుకోగా, అలా నటిస్తే మొత్తానికే మోసం వస్తుంది అని ఆయన ఫ్యాన్స్ అంటున్నారు.
ఐతే, టీం మాత్రం ఈ వార్తలు తప్పు అని తాజాగా ప్రకటించింది. రవితేజ ఈ సినిమాలో అలాంటి పాత్ర చేయబోవడం లేదు అని చెప్పింది. హసిత్ గోలి ఇంతకుముందు చేసిన “స్వాగ్” సినిమాలో హీరో శ్రీ విష్ణు ఒక ఎపిసోడ్ లో అలా కనిపిస్తాడు. అందుకే ఈ పుకార్లు వచ్చినట్లు టాక్.
రవితేజ ప్రస్తుతం “ఇరుముడి” చిత్రంలో నటిస్తున్నారు. ఈ సినిమా నుంచి వచ్చిన తాజా టీజర్ కి చాలా మంచి రెస్పాన్స్ వచ్చింది.
