హీరోయిన్ కాయదు లోహర్ (Kayadu Lohar) ఇటీవల బాగా పాపులర్ అయింది. ముఖ్యంగా తమిళ్ లో ఎక్కువ క్రేజ్ తెచ్చుకొంది. తెలుగులో ఇటీవల “ఫంకీ” అనే సినిమాలో నటించింది. ఇప్పుడు నాని సరసన “ది ప్యారడైజ్” చిత్రంలో మెయిన్ హీరోయిన్.
ఈ సినిమా కోసం ఆమె ఇతర తెలుగు సినిమాలు వదిలేసుకుందట. ఎందుకంటే, “ది ప్యారడైజ్” (The Paradise) మేకర్స్ ఆమెతో ప్రత్యేక ఒప్పందం కుదుర్చుకున్నారట. ఈ సినిమా షూటింగ్ పూర్తి అయ్యేంతవరకు మరో తెలుగు పెద్ద చిత్రం ఒప్పుకోవద్దు అనేది కండీషన్. సినిమా షూటింగ్ ఎక్కువ డేట్స్ కావాలనే ఉద్దేశంతో అలా అగ్రిమెంట్ చేసుకున్నారట.
“ది ప్యారడైజ్” సినిమాని మొదట మార్చి 2026లో విడుదల చేద్దామనుకున్నారు. దాంతో, ఈ భామ ఆ అగ్రిమెంట్ సైన్ చేసింది. కానీ షూటింగ్ ఆలస్యం కావడంతో ఇప్పుడు రిలీజ్ డేట్ ని ఆగస్ట్ కి మార్చారు. ఒకవేళ ఇంకా ఆలస్యం ఐతే సినిమా డిసెంబర్ కి వెళ్లొచ్చు. అంటే ఆమె అలా ఈ సినిమా విషయంలో లాక్ అయింది.
మరి ఇన్ని నెలలు ఎక్స్ క్లూజివ్ గా పనిచేసినందుకు ఆమెకి ఎక్కువ పారితోషికం కానీ, ఒప్పుకున్న మొత్తానికి అదనపు మొత్తం కానీ ఇస్తారా అనేది చూడాలి.
